ന്യൂഡൽഹി: പെട്രോളിൽ എഥനോൾ കലർത്തുന്നതിന്റെ അളവ് 20 ശതമാനത്തിൽ നിന്നും 25 ശതമാനമാക്കാൻ ലക്ഷ്യമിട്ടുള്ള കേന്ദ്ര സർക്കാരിന്റെ നിർണ്ണായക നീക്കം നീട്ടിവെച്ചേക്കുമെന്ന് റിപ്പോർട്ടുകൾ. നിലവിലെ ഇ20 ഇന്ധന പരിഷ്കാരം മൂലം വാഹനങ്ങളുടെ മൈലേജ് ഗണ്യമായി കുറയുന്നുവെന്ന ഉപഭോക്താക്കളുടെ വ്യാപക പരാതിയും വാഹന നിർമ്മാതാക്കളുടെ ആശങ്കയും കണക്കിലെടുത്താണ് കേന്ദ്രത്തിന്റെ ഈ പുനർവിചിന്തനം.(E25 ethanol petrol blend, Government Likely To Delay Rollout Amid Mileage Concerns)
നേരത്തെ 2030-ഓടെ നടപ്പിലാക്കാൻ ലക്ഷ്യമിട്ടിരുന്ന 20% എഥനോൾ മിശ്രിതം കഴിഞ്ഞ മൂന്ന് വർഷത്തിനുള്ളിൽ രാജ്യമുടനീളം കേന്ദ്ര സർക്കാർ നിർബന്ധമാക്കിയിരുന്നു. ഇതിന് തൊട്ടുപിന്നാലെയാണ് എഥനോൾ അളവ് 25 ശതമാനമാക്കുന്ന ഇ25 ഇന്ധനത്തിനുള്ള എക്സൈസ് നികുതി ഇളവുകളും ബി.ഐ.എസ് മാനദണ്ഡങ്ങളും സർക്കാർ പുറപ്പെടുവിച്ചത്. ഇതോടെ അടുത്ത ഘട്ടത്തിലേക്കുള്ള മാറ്റം ഉടൻ ഉണ്ടാകുമെന്ന ആശങ്ക ശക്തമായിരുന്നു.
എന്നാൽ, വളരെ വേഗത്തിൽ നടപ്പിലാക്കിയ ഇ20 വിപ്ലവം പഴയ വാഹനങ്ങളുടെ എൻജിൻ പ്രവർത്തനത്തെയും മൈലേജിനെയും ദോഷകരമായി ബാധിച്ചതായി ഉപഭോക്താക്കൾ പരാതിപ്പെടുന്നു. കഴിഞ്ഞ ആഴ്ച സർക്കാരിന്റെ ഉന്നതതല യോഗത്തിൽ ഈ ആശങ്കകൾ ഗൗരവമായി ചർച്ച ചെയ്യപ്പെട്ടു.
Story Summary
Amid rising concerns from motorists over reduced fuel economy and potential engine damage caused by the rapid transition to E20 fuel, the Indian government is likely to delay the proposed rollout of E25 blended petrol. Automakers have also requested more time to engineer and validate vehicles for higher ethanol compatibility to avoid corrosion and performance issues, especially in older models.
