ചണ്ഡീഗഡ്: 2022-ലെ പഞ്ചാബ് നിയമസഭാ തിരഞ്ഞെടുപ്പിൽ ആം ആദ്മി പാർട്ടി നൽകിയ അവസാനത്തെയും ഏറ്റവും പ്രധാനപ്പെട്ടതുമായ തിരഞ്ഞെടുപ്പ് വാഗ്ദാനം സർക്കാർ നിറവേറ്റി. സംസ്ഥാനത്തെ സ്ത്രീകൾക്ക് പ്രതിമാസ സാമ്പത്തിക സഹായം ഉറപ്പാക്കുന്ന ‘മുഖ്യമന്ത്രി മാവൻ ധീയൻ സത്കർ യോജന’യുടെ ആദ്യ ഗഡു ജൂലൈ ഒന്നിന് മുഖ്യമന്ത്രി ഭഗവന്ത് സിംഗ് മാൻ ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് നേരിട്ട് കൈമാറി.(Punjab Government Launches Mukh Mantri Maavan Dheeyan Satkar Yojna For Women)
പൊതുവിഭാഗത്തിൽപ്പെട്ട സ്ത്രീകൾക്ക് മാസം 1,000 രൂപയും, പട്ടികജാതി (SC) വിഭാഗത്തിൽപ്പെട്ട സ്ത്രീകൾക്ക് മാസം 1,500 രൂപയുമാണ് സഹായമായി ലഭിക്കുന്നത്. ഏപ്രിൽ, മെയ്, ജൂൺ മാസങ്ങളിലെ കുടിശ്ശിക ഉൾപ്പെടെ മൂന്നു മാസത്തെ തുക ഒറ്റത്തവണയായി സർക്കാർ വിതരണം ചെയ്തു. ഇതനുസരിച്ച് സാധാരണ വിഭാഗത്തിലുള്ളവർക്ക് 3,000 രൂപയും, പട്ടികജാതി വിഭാഗത്തിലുള്ളവർക്ക് 4,500 രൂപയുമാണ് ലഭിച്ചത്.
സംസ്ഥാനത്തെ ഏകദേശം 52 ലക്ഷത്തോളം സ്ത്രീകൾക്ക് പദ്ധതിയുടെ പ്രയോജനം ലഭിക്കുമെന്നാണ് കണക്കാക്കുന്നത്. 9,300 കോടി രൂപയാണ് പദ്ധതിക്കായി സർക്കാർ ബജറ്റിൽ വകയിരുത്തിയിരിക്കുന്നത്. ആധാർ ലിങ്ക് ചെയ്ത ബാങ്ക് അക്കൗണ്ടുകൾ വഴിയാണ് ഡയറക്ട് ബെനിഫിറ്റ് ട്രാൻസ്ഫർ (DBT) രീതിയിൽ തുക കൈമാറുന്നത്. അങ്കണവാടികൾ, സേവാ കേന്ദ്രങ്ങൾ എന്നിവ വഴി രജിസ്ട്രേഷൻ നടപടികൾ പൂർത്തിയാക്കാം.
Story Summary
The Punjab government, led by CM Bhagwant Singh Mann, launched the ‘Mukh Mantri Maavan Dheeyan Satkar Yojna’ on July 1, 2026, by transferring the first three months’ installments of financial aid to women beneficiaries. Under this flagship scheme, general category women receive ₹1,000 per month, while SC category women receive ₹1,500, fulfilling the Aam Aadmi Party’s final major election promise from 2022.
