ന്യൂഡൽഹി: പാർലമെന്റിന്റെ വർഷകാല സമ്മേളനത്തിന്റെ ആദ്യദിനത്തിൽ തന്നെ പ്രതിപക്ഷ നേതാവ് രാഹുൽ ഗാന്ധിയെ ലക്ഷ്യമിട്ട് പരോക്ഷ പരിഹാസവുമായി പ്രധാനമന്ത്രി നരേന്ദ്ര മോദി. അടുത്തിടെ രാജ്യത്തെ ആദ്യ സ്വകാര്യ ഓർബിറ്റൽ റോക്കറ്റായ ‘വിക്രം-1’ വിജയകരമായി വിക്ഷേപിച്ച ഹൈദരാബാദ് ആസ്ഥാനമായുള്ള സ്കൈറൂട്ട് എയറോസ്പേസ് സ്റ്റാർട്ടപ്പിനെ അഭിനന്ദിക്കുന്നതിനിടയിലാണ് പ്രതിപക്ഷത്തിനെതിരെ പ്രധാനമന്ത്രി രാഷ്ട്രീയ ആയുധമെടുത്തത്.(PM Modi Trolls Rahul Gandhi As 56 Year Old Youth Welcomes Skyroot Aerospace Vikram 1 Launch)
ഇന്ത്യയിലെ യുവത്വം ബഹിരാകാശ മേഖലയിൽ പുതിയൊരു കുതിപ്പിന് തുടക്കം കുറിച്ചിരിക്കുകയാണ്. സ്കൈറൂട്ട് സ്റ്റാർട്ടപ്പ് ടീമിന്റെ ശരാശരി പ്രായം വെറും 28 വയസ്സാണ്. ഇത്തരത്തിലുള്ള യഥാർത്ഥ യുവാക്കളാണ് ഈ നേട്ടം രാജ്യത്തിന് സമ്മാനിച്ചത്. ഞാൻ ഇവിടെ സംസാരിക്കുന്നത് 56 വയസ്സുള്ള ഒരു ‘യുവാവിനെ’ക്കുറിച്ചല്ല, എന്ന് പ്രധാനമന്ത്രി മാധ്യമങ്ങളോട് പറഞ്ഞു.
കഴിഞ്ഞ വർഷം ഒരു ഇന്ത്യൻ പൗരൻ അന്താരാഷ്ട്ര ബഹിരാകാശ നിലയത്തിൽ എത്തിയതും ഈ മാസം സ്വകാര്യ സ്റ്റാർട്ടപ്പുകൾ കൈവരിച്ച മുന്നേറ്റവും രാജ്യത്തിന് വലിയ അഭിമാനമാണെന്നും യുവാക്കളുടെ സ്വപ്നങ്ങൾ ബഹിരാകാശത്തോളം അതിരുകളില്ലാത്തതാണെന്നും അദ്ദേഹം കൂട്ടിച്ചേർത്തു. പശ്ചിമേഷ്യയിൽ അമേരിക്കയും ഇറാനും തമ്മിൽ നിലനിൽക്കുന്ന യുദ്ധസാഹചര്യങ്ങൾ ഇന്ത്യയ്ക്ക് വലിയ ബുദ്ധിമുട്ടുകൾ സൃഷ്ടിക്കുന്നുണ്ടെന്നും പ്രധാനമന്ത്രി വ്യക്തമാക്കി. ഊർജ്ജ ഇറക്കുമതിക്കായി പശ്ചിമേഷ്യയെ ആശ്രയിക്കുന്ന രാജ്യം കടുത്ത വെല്ലുവിളികൾ നേരിട്ടിട്ടും 7.7% സാമ്പത്തിക വളർച്ചാ നിരക്ക് നിലനിർത്താൻ കഴിഞ്ഞത് വലിയ നേട്ടമാണെന്ന് അദ്ദേഹം ചൂണ്ടിക്കാട്ടി.
Story Summary
During his pre-session media address, PM Narendra Modi hailed the 28-year-old team of Skyroot Aerospace for launching the Vikram-1 rocket, while taking a swipe at 56-year-old Rahul Gandhi. Highlighting India’s 7.7% economic growth despite the US-Iran West Asia conflict, the PM urged for logic-driven debates as Parliament convenes for 19 sittings amid heavy opposition protests.
