ന്യൂഡൽഹി: നീറ്റ് ചോദ്യപേപ്പർ ചോർച്ചാ വിഷയത്തിൽ രാജ്യവ്യാപകമായി വിദ്യാർത്ഥി പ്രക്ഷോഭങ്ങളും രാജിയാവശ്യവും കനക്കുമ്പോൾ, കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ പഴയകാല രാഷ്ട്രീയ പ്രവർത്തനം വീണ്ടും ചർച്ചയാകുന്നു. 1997-ൽ ഒഡീഷയിൽ കോൺഗ്രസിന്റെ ജെ.ബി. പട്നായിക് സർക്കാർ ഭരിക്കുമ്പോൾ, ചോദ്യപേപ്പർ ചോർച്ചയ്ക്കെതിരെ സമരം ചെയ്ത് പൊലീസിന്റെ ക്രൂരമായ മർദ്ദനത്തിന് ഇരയായ അതേ ധർമ്മേന്ദ്ര പ്രധാനാണ് ഇന്ന് മറ്റൊരു ചോദ്യപേപ്പർ ചോർച്ചാ വിവാദത്തിൽ പ്രതിക്കൂട്ടിൽ നിൽക്കുന്നത്.(NEET Paper Leak Dharmendra Pradhan Past 1997 Odisha Protest Resurfaces)
എ.ബി.വി.പി ദേശീയ സെക്രട്ടറിയായിരുന്ന കാലത്താണ് പ്രധാൻ ഒഡീഷയിലെ ഭുവനേശ്വറിൽ സെക്രട്ടറിയേറ്റിന് മുന്നിൽ 1,500-ഓളം വരുന്ന വിദ്യാർത്ഥികളെ അണിനിരത്തി പട്നായിക് സർക്കാരിനെതിരെ വൻ പ്രതിഷേധം സംഘടിപ്പിച്ചത്. അന്ന് സമരം ചെയ്ത വിദ്യാർത്ഥികൾക്ക് നേരെ പൊലീസ് നടത്തിയ ലാത്തിച്ചാർജിൽ പ്രധാന് ഗുരുതരമായി പരിക്കേൽക്കുകയും എല്ലുകൾക്ക് ഒടിവ് സംഭവിക്കുകയും ചെയ്തിരുന്നു.
എന്നാൽ വർഷങ്ങൾക്കിപ്പുറം, നീറ്റ് പരീക്ഷാ ക്രമക്കേടുകൾക്കെതിരെ ഡൽഹിയിൽ സമരം ചെയ്ത വിദ്യാർത്ഥികൾക്ക് നേരെ പൊലീസ് ലാത്തിച്ചാർജും കണ്ണീർവാതക പ്രയോഗവും നടത്തിയതോടെ ചരിത്രം ആവർത്തിക്കപ്പെടുകയാണ്. നൂറിലധികം വിദ്യാർത്ഥികൾ പരിക്കേറ്റ് ആശുപത്രിയിലാവുകയും, 21 കാരിയായ ഒരു വിദ്യാർത്ഥിക്ക് ഗുരുതര പരിക്കുകളോടെ ഐ.സി.യുവിൽ ചികിത്സ തേടേണ്ടി വരികയും ചെയ്തു.
Story Summary
Union Education Minister Dharmendra Pradhan faces strong resignation demands over the NEET-UG paper leak controversy, echoing a 1997 incident where he was severely injured by police while protesting a paper leak in Odisha as an ABVP leader. As opposition parties stall discussions demanding his resignation, the history of his political rise has resurfaced amidst ongoing student protests.
