‘കേന്ദ്ര ഏജൻസികളെ ലജ്ജയില്ലാതെ ആയുധമാക്കുന്നു, ചില കോൺഗ്രസ് നേതാക്കളുടെ ആരോപണം പൊള്ളത്തരമെന്ന് തെളിഞ്ഞു’: പിണറായിക്ക് പിന്തുണയുമായി MK സ്റ്റാലിൻ | MK Stalin Condemns ED Raid

ചെന്നൈ: പ്രതിപക്ഷ നേതാവും മുൻ കേരള മുഖ്യമന്ത്രിയുമായ പിണറായി വിജയന്റെയും കുടുംബാംഗങ്ങളുടെയും വസതികളിൽ എൻഫോഴ്സ്മെന്റ് ഡയറക്ടറേറ്റ് നടത്തുന്ന മിന്നൽ പരിശോധനകൾക്കെതിരെ കടുത്ത ഭാഷയിൽ പ്രതികരിച്ച് ഡിഎംകെ അധ്യക്ഷനും മുൻ തമിഴ്‌നാട് മുഖ്യമന്ത്രിയുമായ എം.കെ. സ്റ്റാലിൻ. തന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് കേന്ദ്ര സർക്കാരിന്റെയും കേന്ദ്ര ഏജൻസികളുടെയും ജനാധിപത്യവിരുദ്ധ നടപടിക്കെതിരെ അദ്ദേഹം രൂക്ഷവിമർശനം ഉന്നയിച്ചത്.(MK Stalin Condemns ED Raid On Pinarayi Vijayan Slams Center For Misusing Central Agencies Against Opposition Leaders)

Strongly condemn the Enforcement Directorate raids directed against former Kerala Chief Minister Com. @pinarayivijayan.

Such actions once again raise serious concerns over the growing pattern of central agencies being weaponised against Opposition leaders.

Incidentally, this…

— M.K.Stalin (@mkstalin) May 27, 2026

പ്രതിപക്ഷ ശബ്ദങ്ങളെ അടിച്ചമർത്താൻ കേന്ദ്ര ഏജൻസികളെ രാഷ്ട്രീയ ആയുധമാക്കുന്ന ബിജെപി ഭരണകൂടത്തിന്റെ സ്ഥിരം ശൈലി തന്നെയാണ് കേരളത്തിലും കാണുന്നതെന്ന് അദ്ദേഹം കുറ്റപ്പെടുത്തി. മുൻ മുഖ്യമന്ത്രി സഖാവ് പിണറായി വിജയനെതിരെയുള്ള ഇ.ഡി റെയ്ഡുകളെ ശക്തമായ ഭാഷയിൽ അപലപിക്കുന്നു. രാജ്യത്ത് പ്രതിപക്ഷ നേതാക്കളെ നിരന്തരം വേട്ടയാടാനും രാഷ്ട്രീയമായി ഒതുക്കാനും കേന്ദ്ര ഏജൻസികളെ ബിജെപി സർക്കാർ ഒരു ലജ്ജയുമില്ലാതെ ആയുധമാക്കുകയാണ്. ജനാധിപത്യപരമായ എല്ലാ മൂല്യങ്ങളെയും തകർക്കുന്ന ഇത്തരം പ്രവണതകൾ രാജ്യത്ത് വലിയ രീതിയിലുള്ള ആശങ്കകൾ ഉയർത്തുന്നുണ്ട്, എം.കെ. സ്റ്റാലിൻ വ്യക്തമാക്കി.

ചില കോൺഗ്രസ് നേതാക്കൾ മുൻപ് ഉന്നയിച്ച രാഷ്ട്രീയ വിമർശനങ്ങൾക്കുള്ള ശക്തമായ മറുപടി കൂടിയാണ് ഇപ്പോഴത്തെ ഈ ഇ.ഡി റെയ്ഡുകളെന്ന് എം.കെ. സ്റ്റാലിൻ ഓർമ്മിപ്പിച്ചു. സിഎംആർഎൽ സാമ്പത്തിക ഇടപാട് കേസിൽ അന്വേഷണം തുടരാമെന്ന ഹൈക്കോടതി സിംഗിൾ ബെഞ്ചിന്റെ ഉത്തരവ് വന്ന് മണിക്കൂറുകൾക്കകം ഇന്ന് പുലർച്ചെ 6 മണിയോടെയാണ് പിണറായി വിജയന്റെ തിരുവനന്തപുരത്തെയും കണ്ണൂരിലെയും വസതികളിൽ ഒരേസമയം ഇ.ഡി പരിശോധന ആരംഭിച്ചത്.

Story Summary

Former Tamil Nadu Chief Minister and DMK Chief MK Stalin strongly condemned the ED raids at the residences of former Kerala CM Pinarayi Vijayan. In a social media post, Stalin stated that the continuous misuse of central agencies to target and suppress Opposition leaders is highly detrimental to democracy. He added that the raid exposes the hollowness of certain Congress leaders who previously questioned why the BJP government was not targeting Pinarayi Vijayan, drawing parallels to how central agencies have been weaponised across the country.