ഡൽഹിയിൽ ഉഷ്ണതരംഗത്തിനും ജലപ്രതിസന്ധിക്കും ഇടയിൽ വൻ വൈദ്യുതി മുടക്കവും
Jun 11, 2024, 19:29 IST
രാജ്യതലസ്ഥാനത്ത് കടുത്ത ഉഷ്‌ണ തരംഗവും ജലപ്രതിസന്ധിയും ജനങ്ങളെ വലയ്ക്കുകയാണ്. കടുത്ത ചൂടിനൊപ്പം ദേശീയ തലസ്ഥാനത്തേക്ക് 1,500 മെഗാവാട്ട് വൈദ്യുതി വിതരണം ചെയ്യുന്ന യുപിയിലെ മണ്ടോളയിലെ പവർ ഗ്രിഡിന് തീപിടിച്ചത് കാരണം നഗരത്തിൻ്റെ പല ഭാഗങ്ങളിലും വൈദ്യുതി മുടങ്ങിയതായി ഡൽഹി വൈദ്യുതി മന്ത്രി അതിഷി പറഞ്ഞു. ചൊവ്വാഴ്ച ഉച്ചയ്ക്ക് ഡൽഹിയിൽ രേഖപ്പെടുത്തിയ താപനില 42 ഡിഗ്രി സെൽഷ്യസായിരുന്നു. 
“ഇന്ന് ഉച്ചയ്ക്ക് 2:11 മുതൽ ഡൽഹിയുടെ പല ഭാഗങ്ങളിലും വലിയ പവർ കട്ട് ഉണ്ടായിട്ടുണ്ട്. ഡൽഹിയിലേക്ക് 1,500 മെഗാവാട്ട് വൈദ്യുതി വിതരണം ചെയ്യുന്ന യുപിയിലെ മണ്ടോളയിലെ ഒരു പവർ ഗ്രിഡിന് അഗ്നിബാധ ഉണ്ടായി. അതുവഴിയുണ്ടായ ബുദ്ധിമുട്ട് പരിഹരിക്കാൻ ശ്രമിക്കുകയാണ്.” അതിഷി പറഞ്ഞു.