പഞ്ചാബ് മുൻ മുഖ്യമന്ത്രി അമരീന്ദർ സിങ്ങിന് കോവിഡ്
Jan 12, 2022, 14:18 IST
ന്യൂഡൽഹി: പഞ്ചാബ് മുൻ മുഖ്യമന്ത്രി അമരീന്ദർ സിങ്ങിന് കോവിഡ് സ്ഥിരീകരിച്ചു. ചെറിയ രോഗലക്ഷണങ്ങൾ ശ്രദ്ധയിൽപ്പെട്ടതിനെ തുടർന്ന് അദ്ദേഹം പരിശോധനക്ക് വിധേയമാകുകയായിരുന്നു.
രോഗവിവരം അമരീന്ദർ സിങ് ട്വിറ്ററിൽ പങ്കുവെച്ചു. 'ചെറിയ രോഗലക്ഷണങ്ങളോടെ എനിക്ക് കോവിഡ് സ്ഥിരീകരിച്ചു. ഇപ്പോൾ സ്വയം നിരീക്ഷണത്തിൽ പ്രവേശിച്ചു. അടുത്ത ദിവസങ്ങളിൽ ഞാനുമായി സമ്പർക്കത്തിൽ വന്നവർ നിരീക്ഷണത്തിൽ പോകണമെന്നും പരിശോധനക്ക് വിധേയമാകണമെന്നും അഭ്യർഥിക്കുന്നുവെന്നും അമരീന്ദർ സിങ് ട്വീറ്റ് ചെയ്തു.