അമരാവതി: മഹാരാഷ്ട്രയിലെ ബദ്നേര റെയിൽവേ സ്റ്റേഷൻ പരിസരത്ത് 17 വയസ്സുകാരനെ കല്ലുകൊണ്ട് തലയ്ക്കടിച്ചു കൊലപ്പെടുത്തി (Murder Case). തേലിപുര സ്വദേശിയായ കുനാൽ തെൽമോറെയാണ് കൊല്ലപ്പെട്ടത്. സംഭവത്തിൽ ദീപേശ് സമുദ്രെ (21), പിയൂഷ് ഭോയാർ (19) എന്നിവരെ ക്രൈംബ്രാഞ്ച് അറസ്റ്റ് ചെയ്തു. ഇവരെ കൂടാതെ രണ്ട് പ്രായപൂർത്തിയാകാത്ത കുട്ടികളെയും പോലീസ് കസ്റ്റഡിയിലെടുത്തു.
കഴിഞ്ഞ ഞായറാഴ്ചയാണ് കൊലപാതകം നടന്നത്. അജ്ഞാതനായ ഒരാൾ ഫോണിൽ വിളിച്ചു പറഞ്ഞതനുസരിച്ച് റെയിൽവേ സ്റ്റേഷൻ പരിസരത്തെത്തിയ കുനാലിനെ പ്രതികൾ വളഞ്ഞിട്ട് ആക്രമിക്കുകയായിരുന്നു. മുൻപുണ്ടായ വ്യക്തിവൈരാഗ്യമാണ് കൊലപാതകത്തിന് കാരണമെന്ന് പോലീസ് പറഞ്ഞു. അഞ്ച് മാസം മുമ്പ് കുനാലും ദീപേശും തമ്മിൽ തർക്കമുണ്ടായിരുന്നു. ഇതിന് പിന്നാലെ എട്ട് ദിവസം മുമ്പ് കുനാൽ ദീപേശിനെ മർദ്ദിച്ചതായും പറയപ്പെടുന്നു. ഇതിനുള്ള പ്രതികാരമായാണ് സുഹൃത്തുക്കളെ കൂട്ടി ദീപേശ് കൊലപാതകം ആസൂത്രണം ചെയ്തത്.
സാങ്കേതിക തെളിവുകളുടെ അടിസ്ഥാനത്തിൽ വധുര ഗ്രാമത്തിൽ നിന്നാണ് പ്രതികളെ പിടികൂടിയത്. കഴിഞ്ഞ ആറ് മാസത്തിനിടെ ബദ്നേരയിൽ നടക്കുന്ന ആറാമത്തെ കൊലപാതകമാണിതെന്ന് പോലീസ് അറിയിച്ചു. ഈ കൊലപാതകങ്ങളിലെല്ലാം പ്രായപൂർത്തിയാകാത്തവരുടെ പങ്കാളിത്തം ഉണ്ടെന്നത് ഗൗരവകരമായ സാഹചര്യമാണ് സൃഷ്ടിച്ചിരിക്കുന്നത്.
A 17-year-old youth was stoned to death near Badnera railway station in Amravati on Sunday. Police have arrested two young men and detained two minors in connection with the murder, which was reportedly sparked by a long-standing personal dispute. This incident marks the sixth murder in the Badnera area within the last six months involving minors as suspects.