മുംബൈ: ക്രെഡിറ്റ് കാർഡ് ക്ലോസ് ചെയ്യാനുള്ള അപേക്ഷയിൽ നടപടിയെടുക്കാൻ വൈകിയതിനെത്തുടർന്ന് സ്വകാര്യ ബാങ്ക് ഉപഭോക്താവിന് 3.21 ലക്ഷം രൂപ നഷ്ടപരിഹാരം നൽകി (Kotak Mahindra Bank Credit Card Compensation). കോട്ടക് മഹീന്ദ്ര ബാങ്കാണ് ആർബിഐ നിയമപ്രകാരം ഇത്രയും വലിയ തുക പിഴയായി നൽകിയത്. റെഡ്ഡിറ്റിലൂടെയാണ് ഉപഭോക്താവ് തനിക്ക് ലഭിച്ച ഈ വലിയ നേട്ടത്തെക്കുറിച്ച് വിശദീകരിച്ചത്.
2025 മേയിലാണ് ഉപഭോക്താവ് തന്റെ രണ്ട് ക്രെഡിറ്റ് കാർഡുകൾ (Kotak Myntra, Kotak Mojo Platinum) ക്ലോസ് ചെയ്യാൻ ആവശ്യപ്പെട്ട് ഇമെയിൽ അയച്ചത്. ക്രെഡിറ്റ് പരിധി ഒരു ലക്ഷത്തിൽ നിന്ന് പതിനായിരമായി ബാങ്ക് കുറച്ചതായിരുന്നു കാരണം. ആവർത്തിച്ച് ഇമെയിൽ അയച്ചിട്ടും ബാങ്ക് നടപടിയെടുത്തില്ല. എന്നാൽ 2026 ഏപ്രിലിൽ അക്കൗണ്ട് പരിശോധിച്ചപ്പോൾ വാർഷിക ഫീസായി 1,180 രൂപ ഈടാക്കിയതായി കണ്ടെത്തി. അന്വേഷിച്ചപ്പോൾ കാർഡ് ക്ലോസ് ചെയ്തിട്ടില്ലെന്ന മറുപടിയാണ് ലഭിച്ചത്. ഇമെയിൽ വഴി കാർഡ് ക്ലോസ് ചെയ്യാൻ കഴിയില്ലെന്ന ബാങ്കിന്റെ വാദം തള്ളിയ ഉപഭോക്താവ് ബാങ്കിംഗ് ഒംബുഡ്സ്മാനെ സമീപിച്ചു. ഇതോടെ ബാങ്ക് അധികൃതർ വിട്ടുവീഴ്ചയ്ക്ക് തയ്യാറാവുകയായിരുന്നു.
Got ₹3.21 lakh compensation from Kotak Mahindra Bank for not closing my credit card
by
u/ruhaannnn in
CreditCardsIndia
എങ്ങനെയാണ് 3.21 ലക്ഷം രൂപ ലഭിച്ചത്?
ആർബിഐ നിയമപ്രകാരം ക്രെഡിറ്റ് കാർഡ് ക്ലോസ് ചെയ്യാൻ അപേക്ഷ നൽകി 7 പ്രവൃത്തിദിവസത്തിനുള്ളിൽ നടപടി പൂർത്തിയായില്ലെങ്കിൽ, ഓരോ ദിവസത്തെ താമസത്തിനും 500 രൂപ വീതം ബാങ്ക് ഉപഭോക്താവിന് നൽകണം. ഇവിടെ രണ്ട് കാർഡുകൾ ഉണ്ടായിരുന്നതിനാൽ പ്രതിദിനം 1000 രൂപയാണ് പിഴ. 321 ദിവസത്തെ താമസത്തിന് 3,21,000 രൂപ ബാങ്ക് ഉപഭോക്താവിന്റെ അക്കൗണ്ടിലേക്ക് നിക്ഷേപിച്ചു.
ക്രെഡിറ്റ് കാർഡ് ക്ലോസ് ചെയ്യാൻ ശ്രമിക്കുന്നവർ കൃത്യമായ രേഖകൾ കൈവശം വെച്ചാൽ ബാങ്കുകളുടെ ഭാഗത്തുനിന്നുണ്ടാകുന്ന വീഴ്ചകൾക്ക് വലിയ നഷ്ടപരിഹാരം നേടാമെന്നതിന് ഉദാഹരണമാണ് ഈ സംഭവം.
Summary: A credit card user received ₹3.21 lakh as compensation from Kotak Mahindra Bank after it failed to process the closure of two cards for 321 days. According to RBI guidelines, banks must pay ₹500 per day for delays in credit card closures beyond 7 working days. The user, who requested the closure in May 2025, escalated the issue to the Banking Ombudsman after the bank tried to charge annual fees and ignored email requests. The compensation was calculated at ₹1,000 per day for two cards, totaling ₹3,21,000.
