ഇൻഡോർ: ഇൻഡോറിലെ പോലീസ് കോൺസ്റ്റബിളായ സച്ചിൻ ചൗഹാനെ (29) താമസസ്ഥലത്ത് മരിച്ച നിലയിൽ കണ്ടെത്തി (Indore Police Suicide). സച്ചിനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തുകയായിരുന്നുവെന്ന് പോലീസ് അറിയിച്ചു. സംഭവസ്ഥലത്തുനിന്ന് ആത്മഹത്യാക്കുറിപ്പുകളൊന്നും കണ്ടെടുത്തിട്ടില്ല.
ഇൻഡോറിലെ ലസിദിയ (Lasudia) പോലീസ് സ്റ്റേഷൻ പരിധിയിലാണ് സംഭവം. ശനിയാഴ്ചയാണ് സച്ചിനെ തന്റെ വസതിയിൽ മരിച്ച നിലയിൽ കണ്ടെത്തിയത്. ഏറെ നേരം കഴിഞ്ഞിട്ടും മുറി തുറക്കാത്തതിനെത്തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു.
ആത്മഹത്യയിലേക്കു നയിച്ച കാരണം വ്യക്തമല്ല. ജോലിസ്ഥലത്തെ സമ്മർദ്ദമാണോ അതോ വ്യക്തിപരമായ കാരണങ്ങളാണോ മരണത്തിന് പിന്നിലെന്ന് പോലീസ് പരിശോധിച്ചുവരികയാണ്. സച്ചിന്റെ കുടുംബാംഗങ്ങളുടെയും സഹപ്രവർത്തകരുടെയും മൊഴി പോലീസ് രേഖപ്പെടുത്തിയിട്ടുണ്ട്. മൃതദേഹം പോസ്റ്റ്മോർട്ടത്തിനായി ജില്ലാ ആശുപത്രിയിലേക്ക് മാറ്റി. സംഭവത്തിൽ പോലീസ് കേസെടുത്ത് അന്വേഷണം ഊർജിതമാക്കി.
Story Summary: A 29-year-old police constable, Sachin Chauhan, was found hanging at his residence in Indore. No suicide note was recovered from the spot. The Lasudia police have initiated an investigation to determine the motive behind the extreme step, exploring both personal and professional angles.
