കൊച്ചി: എറണാകുളം പുല്ലേപ്പടി പാലത്തിന് സമീപം വൻ തീപ്പിടിത്തം (Pullepady Bridge Fire). പാലത്തിന് താഴെയുള്ള മാലിന്യക്കൂമ്പാരത്തിൽ നിന്നാണ് തീ പടർന്നതെന്നാണ് പ്രാഥമിക നിഗമനം. കറുത്ത പുക ഉയരുന്നത് കണ്ട പ്രദേശവാസികൾ ഉടൻ തന്നെ അഗ്നിശമനസേനയെ വിവരമറിയിക്കുകയായിരുന്നു. വിവരമറിഞ്ഞയുടൻ ഗാന്ധിനഗറിൽ നിന്നുള്ള രണ്ട് യൂണിറ്റ് ഫയർഫോഴ്സ് സ്ഥലത്തെത്തി തീയണയ്ക്കാനുള്ള ശ്രമങ്ങൾ ആരംഭിച്ചു. പ്ലാസ്റ്റിക് ഉൾപ്പെടെയുള്ള മാലിന്യങ്ങൾ ഉള്ളതിനാൽ തീ വേഗത്തിൽ പടരാൻ സാധ്യതയുണ്ടെങ്കിലും നിലവിൽ ആശങ്കപ്പെടേണ്ട സാഹചര്യമില്ലെന്ന് ഉദ്യോഗസ്ഥർ അറിയിച്ചു.
പുക പടരുന്നതിനാൽ സുരക്ഷാ മുൻകരുതലിന്റെ ഭാഗമായി പുല്ലേപ്പടി പാലത്തിലൂടെയുള്ള ഗതാഗതം പോലീസ് താൽക്കാലികമായി നിർത്തിവെച്ചിരിക്കുകയാണ്.വാഹനങ്ങൾ നിലവിൽ മറ്റ് റോഡുകളിലൂടെ തിരിച്ചുവിടുന്നു. തീ പൂർണ്ണമായും നിയന്ത്രണവിധേയമായ ശേഷം മാത്രമേ ഗതാഗതം പുനഃസ്ഥാപിക്കൂ. സമീപത്തുള്ള വ്യാപാര സ്ഥാപനങ്ങളിലേക്കോ വീടുകളിലേക്കോ തീ പടരാതിരിക്കാൻ ജാഗ്രത പുലർത്തുന്നുണ്ട്.
Story Summary: A major fire broke out at a waste dump near the Pullepady bridge in Ernakulam. Two units of the fire force have reached the spot to douse the flames. As a safety precaution, traffic on the Pullepady bridge has been suspended. Police officials stated that there is no immediate cause for concern as rescue operations are underway.
