ന്യൂഡൽഹി: ഇന്ത്യയിലെ മുസ്ലീം ആരാധനാലയങ്ങൾക്ക് ഭീഷണിയുണ്ടെന്ന പാക്കിസ്ഥാൻ പ്രസിഡന്റ് ആസിഫ് അലി സർദാരിയുടെ പരാമർശത്തെ ശക്തമായി തള്ളി ഇന്ത്യ. അസംബന്ധമെന്നും വിദ്വേഷത്തിൽ നിന്ന് ജനിച്ച രാഷ്ട്രീയ ആക്രമണമെന്നും വിശേഷിപ്പിച്ച വിദേശകാര്യ മന്ത്രാലയം, ഇന്ത്യയുടെ ആഭ്യന്തര കാര്യങ്ങളിൽ ഇടപെടാൻ പാക്കിസ്ഥാന് യാതൊരു അവകാശവുമില്ലെന്നും ഓർമ്മിപ്പിച്ചു.(India Rejects Pakistani President Zardaris Absurd Remarks)
വിദേശകാര്യ മന്ത്രാലയ വക്താവ് രൺധീർ ജയ്സ്വാളാണ് പാക്കിസ്ഥാന്റെ പ്രസ്താവനയ്ക്കെതിരെ പ്രതികരിച്ചത്. “ഇന്ത്യയുടെ ആഭ്യന്തര കാര്യങ്ങളിൽ അഭിപ്രായം പറയാൻ പാക്കിസ്ഥാൻ പ്രസിഡന്റിന് യാതൊരു അധികാരവുമില്ല. സ്വന്തം രാജ്യത്തെ മനുഷ്യാവകാശ ലംഘനങ്ങൾ ആഗോളതലത്തിൽ തന്നെ ചർച്ചയാകുന്ന സാഹചര്യത്തിൽ ഇത്തരം പരാമർശങ്ങൾ തികച്ചും പരിഹാസ്യമാണ്,” ജയ്സ്വാൾ പറഞ്ഞു. ന്യൂനപക്ഷങ്ങൾക്കെതിരായ അതിക്രമങ്ങളിലും അടിച്ചമർത്തലുകളിലും പാക്കിസ്ഥാന് കുപ്രസിദ്ധമായ ചരിത്രമുണ്ടെന്നും അദ്ദേഹം കൂട്ടിച്ചേർത്തു.
വാരാണസിയിലെ ഗഞ്ച് ഷഹീദ പള്ളി ഉൾപ്പെടെയുള്ള ആരാധനാലയങ്ങൾ തകർക്കപ്പെടാൻ സാധ്യതയുണ്ടെന്ന സർദാരിയുടെ എക്സ് പോസ്റ്റിനെത്തുടർന്നാണ് ഇന്ത്യയുടെ മറുപടി. ഹിന്ദുക്കൾക്കും അഹമ്മദീയ വിഭാഗക്കാർക്കുമെതിരെയുള്ള മതപരമായ അതിക്രമങ്ങൾ പാക്കിസ്ഥാനിൽ തുടരുന്നതും, മതനിന്ദ ആരോപിച്ച് ന്യൂനപക്ഷങ്ങളെ വേട്ടയാടുന്നതും മനുഷ്യാവകാശ സംഘടനകൾ നേരത്തെ തന്നെ ചൂണ്ടിക്കാട്ടിയിട്ടുണ്ട്. പാക്കിസ്ഥാന്റെ ദേശീയ നയങ്ങളായ മതഭ്രാന്തും വിദ്വേഷവുമാണ് ഇത്തരം രാഷ്ട്രീയ പ്രസ്താവനകൾക്ക് പിന്നിലെന്ന് അദ്ദേഹം വ്യക്തമാക്കി.
Story Summary
India has strongly rejected Pakistani President Asif Ali Zardari’s remarks regarding alleged threats to Muslim religious sites in India, labeling them “absurd” and a “deliberate political attack.” India’s foreign ministry spokesperson, Randhir Jaiswal, asserted that Pakistan has no authority to comment on India’s internal matters, particularly given its own poor record on minority rights and religious freedom.
