ന്യൂഡൽഹി: ഒമാൻ തീരത്തിന് സമീപം വെച്ച് ഇന്ത്യൻ പതാകയുള്ള കപ്പലിന് നേരെ ഉണ്ടായ ആക്രമണത്തെ കേന്ദ്ര വിദേശകാര്യ മന്ത്രാലയം കർശനമായി അപലപിച്ചു. ഇത്തരം ആക്രമണങ്ങൾ ഒട്ടും അംഗീകരിക്കാനാവില്ലെന്നും, വാണിജ്യ കപ്പലുകൾക്കും നാവികർക്കും നേരെയുള്ള തുടർച്ചയായ ഭീഷണികൾ അതീവ ഗൗരവകരമാണെന്നും വിദേശകാര്യ മന്ത്രാലയം പുറത്തിറക്കിയ വാർത്താക്കുറിപ്പിൽ വ്യക്തമാക്കി.(India Condemns Attack On Indian Flagged Ship Off The Coast Of Oman)
ആക്രമണത്തിനിരയായ കപ്പലിലുണ്ടായിരുന്ന മുഴുവൻ ഇന്ത്യൻ ജീവനക്കാരും സുരക്ഷിതരാണെന്ന് മന്ത്രാലയം അറിയിച്ചു. ഇവരെ രക്ഷപ്പെടുത്താൻ അടിയന്തരമായി ഇടപെട്ട ഒമാൻ ഭരണകൂടത്തിന് ഇന്ത്യ നന്ദി അറിയിച്ചു. പശ്ചിമേഷ്യയിൽ വർധിച്ചുവരുന്ന സംഘർഷങ്ങൾക്കിടയിൽ ഹോർമുസ് കടലിടുക്കിലുൾപ്പെടെ കപ്പൽ ഗതാഗതത്തിന് നേരിടുന്ന തടസ്സങ്ങൾ ആഗോളതലത്തിൽ ആശങ്കയുണ്ടാക്കുന്നതാണെന്ന് അധികൃതർ ചൂണ്ടിക്കാട്ടി.
സമുദ്രപാതകളിലെ സ്വതന്ത്രമായ ഗതാഗതത്തെ തടസ്സപ്പെടുത്തുന്നതും സാധാരണക്കാരായ ജീവനക്കാരുടെ ജീവൻ അപകടത്തിലാക്കുന്നതും ഒഴിവാക്കണമെന്ന് ഇന്ത്യ ആവശ്യപ്പെട്ടു. നിലവിലെ സാഹചര്യത്തിലും ഹോർമുസ് കടലിടുക്ക് വഴി ഇന്ത്യയിലേക്കുള്ള എൽപിജി ടാങ്കറുകൾ സുരക്ഷിതമായി കടന്നുപോകുന്നുണ്ട്.
Story Summary
The Indian Ministry of External Affairs has condemned a recent attack on an Indian-flagged vessel off the coast of Oman, confirming that all crew members were safely rescued. Amidst heightened tensions in the Strait of Hormuz, India is closely coordinating with relevant ministries to ensure the safe passage of commercial vessels bound for the country.
