മധ്യപ്രദേശിൽ യുവതിയെ കൊന്ന് കഷണങ്ങളാക്കി ട്രെയിനിൽ ഉപേക്ഷിച്ചു
Jun 10, 2024, 10:01 IST
![മധ്യപ്രദേശിൽ യുവതിയെ കൊന്ന് കഷണങ്ങളാക്കി ട്രെയിനിൽ ഉപേക്ഷിച്ചു](https://timeskerala.com/static/c1e/client/91214/uploaded/78210e4373bfb09affa987c61aec48d8.webp)
ഇന്ദോർ: മധ്യപ്രദേശിലെ ഇന്ദോറിൽ യുവതിയെ കൊന്ന് കഷണങ്ങളാക്കി കവറിൽ കെട്ടി ട്രെയിനിൽ ഉപേക്ഷിച്ചു. ശുചീകരണ തൊഴിലാളിയാണ് മൃതദേഹം ആദ്യം കണ്ടെത്തിയത്. പിന്നാലെ പൊലീസിനെ വിവരമറിയിക്കുകയായിരുന്നു. യുവതിയെ മറ്റ് എവിടെയോ വെച്ച് കൊലപ്പെടുത്തിയ ശേഷം ബാഗിലാക്കി ട്രെയിനിൽ തള്ളിയതാകാമെന്നാണ് നിഗമനം. അതേസമയം, കൊല്ലപ്പെട്ടത് ആരാണെന്ന് വ്യക്തമായിട്ടില്ല. 20നും 25നും ഇടയിൽ പ്രായമുള്ള യുവതിയാണെന്നാണ് പ്രാഥമിക നിഗമനം.
ഡോ. അംബേദ്കർ നഗർ-ഇൻഡോർ ട്രെയിനിലാണ് മൃതദേഹം കണ്ടെത്തിയത്. തല മുതൽ അര വരെയുള്ള ഭാഗങ്ങൾ മുറിച്ച് ട്രോളിയിലാക്കിയ നിലയിലായിരുന്നു. മറ്റ് ഭാഗങ്ങൾ പ്ലാസ്റ്റിക് കവറിൽ കെട്ടിയ നിലയിലും. സംഭവത്തിൽ അന്വേഷണം പുരോഗമിക്കുകയാണ്.