ഹൈദരാബാദ്: രാത്രികാല ഡ്യൂട്ടിക്കിടെ കൊതുകുശല്യം സഹിക്കവയ്യാതെ കൊതുകുവലയ്ക്കുള്ളിലിരുന്ന് ജോലി ചെയ്യുന്ന സെക്യൂരിറ്റി ജീവനക്കാരന്റെ ദൃശ്യങ്ങൾ സോഷ്യൽ മീഡിയയിൽ വലിയ ചർച്ചകൾക്ക് വഴിയൊരുക്കുന്നു (Hyderabad Security Guard Mosquito Net Video). സൂരജ് കുമാർ ബൗദ്ധ് എന്ന വ്യക്തി എക്സിൽ പങ്കുവെച്ച വീഡിയോയാണ് സമൂഹത്തിലെ വേർതിരിവുകളെക്കുറിച്ചുള്ള ഗൗരവകരമായ ചർച്ചകൾക്ക് കാരണമായത്.
ഒരു റെസിഡൻഷ്യൽ സൊസൈറ്റിയിലെ സെക്യൂരിറ്റി ജീവനക്കാരൻ കസേരയിലിരുന്ന് കൊതുകുവല കൊണ്ട് ശരീരം മുഴുവൻ മൂടി ഡ്യൂട്ടി ചെയ്യുന്നതാണ് വീഡിയോയിലുള്ളത്. ഉറക്കമിളച്ച് ജോലി ചെയ്യുമ്പോഴും കൊതുകുകളിൽ നിന്ന് രക്ഷനേടാൻ ഇയാൾക്ക് ഈ മാർഗ്ഗം സ്വീകരിക്കേണ്ടി വന്നു. ഫ്ലാറ്റിനുള്ളിൽ താമസിക്കുന്നവർ എയർ കണ്ടീഷൻ ചെയ്ത മുറികളിൽ സുഖമായി ഉറങ്ങുമ്പോൾ, തങ്ങൾക്ക് സുരക്ഷയൊരുക്കുന്ന ജീവനക്കാർക്ക് അടിസ്ഥാന സൗകര്യങ്ങൾ പോലും നൽകുന്നില്ലെന്ന് വീഡിയോ പങ്കുവെച്ചയാൾ ചൂണ്ടിക്കാട്ടി. സഹജീവികളോടുള്ള സഹാനുഭൂതി കുറഞ്ഞുവരുന്നതിന്റെ ഉദാഹരണമാണിതെന്നും അദ്ദേഹം കുറിച്ചു.
വീഡിയോ വൈറലായതോടെ സൊസൈറ്റി മാനേജ്മെന്റുകൾക്കെതിരെ രൂക്ഷവിമർശനമാണ് ഉയരുന്നത്. ഇത് ഡ്യൂട്ടിയല്ലെന്നും ആധുനിക അടിമത്തമാണെന്നും ചിലർ കുറിച്ചു. സെക്യൂരിറ്റി ജീവനക്കാരുടെ ക്ഷേമം ഉറപ്പാക്കാൻ കൃത്യമായ നിയമങ്ങൾ വേണമെന്ന ആവശ്യവും ഉയരുന്നുണ്ട്.
“Security guard life in India.” 💔
Poor guard is covered under a mosquito
net and doing his duty while awake at night. Society members live in AC; cannot they provide a safe place for their guard?The real issue is compassion. People have lost their compassion for the poor. pic.twitter.com/aqIweshHeR
— Suraj Kumar Bauddh (@SurajKrBauddh) April 16, 2026
Summary: A viral video of a security guard in Hyderabad performing his night duty while sitting under a mosquito net has sparked a debate on social media. Shared by Suraj Kumar Bauddh, the clip highlights the difficult working conditions and lack of basic amenities provided to guards in upscale residential societies. While residents enjoy air-conditioned comfort, the guards are left to fend for themselves against mosquitoes. Social media users have criticized society managements for their lack of empathy and called for better welfare measures for such workers.
