ന്യൂഡൽഹി: തെക്കുപടിഞ്ഞാറൻ ഡൽഹിയിലെ ഡാബ്രിയിലുള്ള ഒരു സ്വകാര്യ ആശുപത്രിയിൽ തീപിടിത്തം. ഞായറാഴ്ച രാത്രി ആശുപത്രിയുടെ ഇലക്ട്രിക് മീറ്ററിലുണ്ടായ ഷോർട്ട് സർക്യൂട്ടിനെത്തുടർന്നാണ് തീ പടർന്നത് (Delhi Hospital Fire). അഞ്ച് നിലയുള്ള ആശുപത്രി കെട്ടിടത്തിന്റെ താഴത്തെ നിലയിലുള്ള ജംഗ്ഷൻ ബോക്സിലാണ് തീപിടിത്തമുണ്ടായത്. സംഭവമറിഞ്ഞയുടൻ 10-15 ഓളം രോഗികളെ സുരക്ഷിതമായി പുറത്തെത്തിച്ചു.
രാത്രി 10.27-ഓടെയാണ് സംഭവം റിപ്പോർട്ട് ചെയ്തത്. ഉടൻ തന്നെ നാല് ഫയർ യൂണിറ്റുകളും പോലീസ് സംഘവും സ്ഥലത്തെത്തി. ഫയർ ഫോഴ്സ് എത്തുന്നതിന് മുൻപ് തന്നെ ആശുപത്രി ജീവനക്കാരും നാട്ടുകാരും ചേർന്ന് തീ അണച്ചിരുന്നു. ഒഴിപ്പിക്കൽ നടപടികൾക്കായി നാട്ടുകാർ കെട്ടിടത്തിന്റെ പിൻവശത്തെ ഗേറ്റിന്റെ പൂട്ട് തകർക്കുകയും രോഗികളെ പുറത്തെത്തിക്കാൻ സഹായിക്കുകയും ചെയ്തു. 10.40-ഓടെ തീ പൂർണ്ണമായും അണച്ചു. ആർക്കും പരിക്കുകളോ ആളപായമോ റിപ്പോർട്ട് ചെയ്തിട്ടില്ല. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.
Summary: A fire broke out in the electric meter and panel of a private kidney hospital in Dabri, southwest Delhi, on Sunday night, prompting the immediate evacuation of 10-15 patients. The fire, which preliminary reports attribute to a short circuit, was successfully extinguished by hospital staff and local residents before the fire department arrived.
