ന്യൂഡൽഹി: നീറ്റ്-യുജി 2026 പുനഃപരീക്ഷയുടെ മുന്നോടിയായി ടെലിഗ്രാം ആപ്പിന് കേന്ദ്ര സർക്കാർ ഏർപ്പെടുത്തിയ താൽക്കാലിക നിയന്ത്രണം ഡൽഹി ഹൈക്കോടതി ശരിവെച്ചു. പരീക്ഷാ തട്ടിപ്പുകൾ തടയുന്നതിനായി സർക്കാർ സ്വീകരിച്ച നടപടികൾ നിയമാനുസൃതവും അനിവാര്യവുമാണെന്ന് ജസ്റ്റിസ് തേജസ് കർയ്യ നിരീക്ഷിച്ചു.)Delhi High Court Upholds Telegram Ban for NEET UG 2026 Exam Integrity)
സർക്കാരിന്റെ നടപടി ആനുപാതികമല്ലെന്ന ടെലിഗ്രാമിന്റെ വാദം കോടതി തള്ളി. പരീക്ഷയുടെ വിശ്വാസ്യത ഉറപ്പാക്കുന്നതിനായി ഏറ്റവും കുറഞ്ഞ നിയന്ത്രണങ്ങളാണ് സർക്കാർ ഏർപ്പെടുത്തിയിട്ടുള്ളതെന്നും, ഇത് ഭരണഘടനാ വിരുദ്ധമല്ലെന്നും കോടതി വ്യക്തമാക്കി. ഐടി ആക്ട് 2000-ലെ സെക്ഷൻ 69എ പ്രകാരം പുറപ്പെടുവിച്ച ഉത്തരവ് പൂർണ്ണമായും സാധുവാണെന്ന് കോടതി വിലയിരുത്തി.
നീറ്റ് പരീക്ഷാ നടത്തിപ്പുമായി ബന്ധപ്പെട്ട ക്രമക്കേടുകൾക്കും ചോദ്യപേപ്പർ ചോർച്ചയ്ക്കും ടെലിഗ്രാം പ്ലാറ്റ്ഫോം ദുരുപയോഗം ചെയ്യപ്പെടുന്നതായി കണ്ടെത്തിയതിനെ തുടർന്നാണ് കർശന നടപടിയെടുത്തത്. ജൂൺ 22 വരെ ടെലിഗ്രാമിന് ഇന്ത്യയിൽ നിയന്ത്രണമുണ്ടാകും. കൂടാതെ, ജൂൺ 30 വരെ പഴയ സന്ദേശങ്ങൾ എഡിറ്റ് ചെയ്യാനുള്ള സൗകര്യം പ്രവർത്തനരഹിതമാക്കാനും പ്ലാറ്റ്ഫോമിന് നിർദ്ദേശം നൽകിയിട്ടുണ്ട്.
Story Summary
The Delhi High Court has upheld the Central government’s temporary ban on the Telegram app in India until June 22 to prevent malpractice during the NEET-UG 2026 re-examination. The court dismissed Telegram’s challenge, ruling that the government’s measures were proportionate and necessary to maintain the integrity of the examination process.
