ബംഗളൂരു: ബംഗളൂരു നഗരത്തിലെ തിരക്കേറിയ റോഡിൽ യുവതിക്ക് നേരെ നടന്ന വധശ്രമം നാട്ടുകാരുടെ ഇടപെടൽ മൂലം പരാജയപ്പെട്ടു (Woman Attacked in Bengaluru). സ്കൂട്ടറിലെത്തിയ യുവാവ് നടന്നുപോവുകയായിരുന്ന ഭാര്യയെ തടഞ്ഞുനിർത്തി കഴുത്തറുക്കാൻ ശ്രമിക്കുകയായിരുന്നു. എന്നാൽ സെക്കൻഡുകൾക്കുള്ളിൽ സ്ഥലത്തുണ്ടായിരുന്ന യുവാക്കൾ ഇടപെട്ടതോടെ യുവതി അത്ഭുതകരമായി രക്ഷപ്പെട്ടു.
കറുത്ത വസ്ത്രം ധരിച്ച് സ്കൂട്ടറിലെത്തിയ പ്രതി, യുവതിക്ക് നേരെ പാഞ്ഞടുക്കുകയും കൈയ്യിൽ കരുതിയ മാരകായുധം ഉപയോഗിച്ച് കഴുത്തറുക്കാൻ ശ്രമിക്കുകയുമായിരുന്നു. ആക്രമണം കണ്ട് പകച്ചുനിൽക്കാതെ പരിസരത്തുണ്ടായിരുന്ന യുവാക്കൾ ഉടൻ തന്നെ പ്രതിയെ തടയുകയും ആയുധം തട്ടിമാറ്റുകയും ചെയ്തു. കീഴ്പ്പെടുത്താൻ ശ്രമിക്കുന്നതിനിടെ വീണ്ടും ആക്രമിക്കാൻ മുതിർന്ന പ്രതിയെ നാട്ടുകാർ കൂട്ടം ചേർന്ന് മർദ്ദിച്ചു.
സംഭവത്തിന്റെ വീഡിയോ പുറത്തുവന്നതോടെ രക്ഷാപ്രവർത്തനത്തിന് നേതൃത്വം നൽകിയ യുവാക്കളെ അഭിനന്ദിച്ച് സോഷ്യൽ മീഡിയ ഒന്നടങ്കം രംഗത്തെത്തി. മിക്കവാറും ഇത്തരം ഘട്ടങ്ങളിൽ ദൂരത്തുനിന്ന് വീഡിയോ പകർത്താൻ ശ്രമിക്കുന്നവർക്കിടയിൽ, ജീവൻ പണയപ്പെടുത്തി പ്രതികരിക്കാൻ തയ്യാറായവരെ ‘യഥാർത്ഥ ഹീറോകൾ’ എന്നാണ് ഉപയോക്താക്കൾ വിശേഷിപ്പിക്കുന്നത്.
Proud of you Bengaluru and these Youngsters who refused to let a lunatic b¢head his wife; instead of watching and making videos, they decide to act: pic.twitter.com/yMyg64brsB
— Mihir Jha (@MihirkJha) May 7, 2026
“വീഡിയോ പകർത്തി നിൽക്കാതെ പ്രതികരിക്കാൻ തയ്യാറായ ബെംഗളൂരുവിലെ യുവാക്കളിൽ അഭിമാനം കൊള്ളുന്നു” എന്ന അടിക്കുറിപ്പോടെയാണ് ദൃശ്യങ്ങൾ പ്രചരിക്കുന്നത്. ഒരാൾ ധൈര്യം കാണിച്ച് മുന്നോട്ട് വന്നപ്പോൾ മറ്റുള്ളവർ ഒപ്പം ചേർന്നത് സമൂഹത്തിന് വലിയൊരു മാതൃകയാണെന്ന് പലരും അഭിപ്രായപ്പെട്ടു. പ്രതിയെ പിന്നീട് പോലീസിന് കൈമാറി.
Story Summary: A man’s attempt to murder his wife by slitting her throat on a busy Bengaluru road was foiled by brave bystanders. CCTV/Mobile footage shows the man attacking the woman with a sharp weapon, but local youths immediately intervened, overpowered him, and handed him over to the police. Social media users are hailing the quick-thinking witnesses for saving the woman’s life instead of just filming the incident.
