.
ചെന്നൈ: തമിഴ്നാട് മുഖ്യമന്ത്രി സി. ജോസഫ് വിജയുടെ നേതൃത്വത്തിലുള്ള സർക്കാരിന് പിന്തുണ പ്രഖ്യാപിച്ച് എഐഎഡിഎംകെയിലെ ഒരു വിഭാഗം രംഗത്തെത്തി. സി.വി ഷൺമുഖം, എസ്.പി വേലുമണി എന്നിവരുടെ നേതൃത്വത്തിലുള്ള വിഭാഗമാണ് ഭരണകക്ഷിയായ തമിഴക വെട്രി കഴകത്തിന് പിന്തുണ നൽകാൻ തീരുമാനിച്ചത് ( AIADMK CV Shanmugam Support TVK).
കഴിഞ്ഞ പത്ത് വർഷത്തിനിടയിൽ ഡിഎംകെയോടും കഴിഞ്ഞ തിരഞ്ഞെടുപ്പിൽ ടിവികെയോടും ഏറ്റുവാങ്ങിയ പരാജയങ്ങളിൽ നിന്ന് പാർട്ടിയെ രക്ഷിക്കാൻ പുതിയ സഖ്യം അനിവാര്യമാണെന്ന് ഷൺമുഖം പറഞ്ഞു. വിജയെ തടയാനായി ഡിഎംകെയുമായി സഖ്യമുണ്ടാക്കാൻ എഐഎഡിഎംകെ നേതൃത്വം ആലോചിച്ചിരുന്നു. എന്നാൽ 53 വർഷമായി എതിർക്കുന്ന പാർട്ടിയുമായി കൈകോർക്കുന്നത് എഐഎഡിഎംകെയുടെ അസ്തിത്വം ഇല്ലാതാക്കുമെന്ന് വിമത വിഭാഗം ആരോപിച്ചു. ബിജെപിയുമായുള്ള ബന്ധം അവസാനിച്ചതായും ഷൺമുഖം വ്യക്തമാക്കി. ബിജെപിയുമായി ചേർന്ന് പ്രവർത്തിക്കുന്നതിനോടുള്ള വിജയിയുടെ വിയോജിപ്പ് ഇതോടെ പരിഹരിക്കപ്പെടുമെന്നാണ് കരുതുന്നത്.
234 അംഗ നിയമസഭയിൽ 108 സീറ്റുകൾ നേടിയ ടിവികെയ്ക്ക് കേവല ഭൂരിപക്ഷത്തിന് (118) 10 സീറ്റുകളുടെ കുറവുണ്ടായിരുന്നു. കോൺഗ്രസ്, ഇടതുകക്ഷികൾ എന്നിവരുടെ പിന്തുണയോടെയാണ് നിലവിൽ സർക്കാർ രൂപീകരിച്ചത്. 47 സീറ്റുകളുള്ള ഷൺമുഖം പക്ഷത്തിന്റെ പിന്തുണ സർക്കാരിന് വലിയ കരുത്താകും. അതേസമയം, പാർട്ടി ജനറൽ സെക്രട്ടറി എടപ്പാടി പളനിസ്വാമിയെ (EPS) അനുകൂലിക്കുന്ന വിഭാഗം വിമത നീക്കത്തെ തള്ളിപ്പറഞ്ഞു. സ്വന്തം ജില്ലയിൽ പോലും ജയിക്കാൻ കഴിയാത്തവരാണ് പാർട്ടി വിടുന്നതെന്നും ഇപിഎസിനൊപ്പമാണ് പാർട്ടി നിലകൊള്ളുന്നതെന്നും ഐടി വിംഗ് പ്രതികരിച്ചു.
Summary: A faction of the AIADMK, led by CV Shanmugam and SP Velumani, has extended support to Chief Minister Vijay’s TVK government in Tamil Nadu. Citing the need to revitalize the party after consecutive electoral defeats, Shanmugam rejected a potential tie-up with the DMK and confirmed that the alliance with the BJP is over. While TVK won 108 seats, falling 10 short of a majority, this new support from the 47-seat-strong faction provides significant stability to the
