വർധ: മഹാരാഷ്ട്രയിലെ വർധ ജില്ലയിലുള്ള ഗ്രാമത്തിൽ പന്ത്രണ്ട് വയസ്സുകാരിയെ വീടിനുള്ളിൽ ക്രൂരമായി കൊലപ്പെടുത്തിയ നിലയിൽ കണ്ടെത്തി. ബുധനാഴ്ച വൈകുന്നേരമാണ് പെൺകുട്ടിയുടെ അർദ്ധനഗ്നമായ മൃതദേഹം കണ്ടെത്തിയത്. കുട്ടിയെ ലൈംഗികമായി പീഡിപ്പിച്ച ശേഷം കല്ലുകൊണ്ട് തലയ്ക്കടിച്ച് കൊലപ്പെടുത്തുകയായിരുന്നുവെന്ന് പൊലീസ് സംശയിക്കുന്നു. കൊലപാതകത്തിന് ഉപയോഗിച്ചതെന്ന് കരുതുന്ന രക്തം പുരണ്ട കല്ല് സംഭവസ്ഥലത്തുനിന്ന് പൊലീസ് കണ്ടെടുത്തു.(Wardha minor girl murder, Twelve Year Old Girl Murdered After Sexual Assault Accused Arrested)
കുട്ടിയുടെ അമ്മ നൽകിയ പരാതിയുടെ അടിസ്ഥാനത്തിൽ ഭാരതീയ ന്യായ സംഹിതയിലെ (BNS) കൊലപാതകം, ബലാത്സംഗം, അതിക്രമിച്ചു കടക്കൽ എന്നീ വകുപ്പുകൾക്ക് പുറമെ പോക്സോ (POCSO) നിയമപ്രകാരവും പൊലീസ് കേസ് രജിസ്റ്റർ ചെയ്തു. സംഭവവുമായി ബന്ധപ്പെട്ട് ചോദ്യം ചെയ്യാനായി കസ്റ്റഡിയിലെടുത്ത മൂന്ന് പേരിൽ ഒരാളായ രാഹുൽ രാജു മഡാവി (30) എന്ന കൃഷിത്തൊഴിലാളിയുടെ അറസ്റ്റ് രേഖപ്പെടുത്തി. ഇയാൾ പെൺകുട്ടിയുടെ വീടിന് സമീപത്തെ കൃഷിയിടത്തിലാണ് ജോലി ചെയ്തിരുന്നത്.
കേസ് അന്വേഷണത്തിനായി പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്. പോസ്റ്റ്മോർട്ടത്തിന് ശേഷം പെൺകുട്ടിയുടെ മൃതദേഹം ബന്ധുക്കൾക്ക് വിട്ടുനൽകിയപ്പോൾ ആശുപത്രിക്ക് മുന്നിൽ വൻ ജനകീയ പ്രതിഷേധം അരങ്ങേറി. പ്രതിക്ക് വധശിക്ഷ നൽകണമെന്നും ഫാസ്റ്റ് ട്രാക്ക് കോടതിയിലൂടെ വിചാരണ വേഗത്തിലാക്കണമെന്നും ആവശ്യപ്പെട്ട് നാട്ടുകാർ റോഡ് ഉപരോധിച്ചു. ഗ്രാമത്തിൽ ക്രമസമാധാന നില ഉറപ്പാക്കാൻ വൻ പൊലീസ് സന്നാഹത്തെ വിന്യസിച്ചിട്ടുണ്ട്.
Story Summary
A 12-year-old girl was found dead in her home in Wardha, Maharashtra, after being allegedly sexually assaulted and bludgeoned with a stone. The police have arrested a 30-year-old farm laborer named Rahul Raju Madavi and formed a Special Investigation Team (SIT) to probe the case amid intense local protests demanding the death penalty.
