"തമിഴ് മദ്രാസ് ഹൈക്കോടതിയുടെ ഔദ്യോഗിക ഭാഷയാക്കണം" : സ്റ്റാലിൻ

സംസ്ഥാനത്ത് സുപ്രീം കോടതിയുടെ ദക്ഷിണ ബെഞ്ച് സ്ഥാപിക്കാനും തമിഴ് മദ്രാസ് ഹൈക്കോടതിയുടെ ഔദ്യോഗിക ഭാഷയാക്കാനും ആവശ്യപ്പെട്ട് മുഖ്യമന്ത്രി എം കെ സ്റ്റാലിൻ സുപ്രീം കോടതിയിൽ സമർപ്പിച്ച ഹർജി ശനിയാഴ്ച പരിഗണിക്കും. “ജനങ്ങളുടെയും അഭിഭാഷകരുടെയും ക്ഷേമം പരിഗണിച്ച് സുപ്രീം കോടതിയുടെ ദക്ഷിണ ബെഞ്ച് ചെന്നൈയിൽ സ്ഥാപിക്കാൻ ശ്രമിക്കണം. തമിഴ് മദ്രാസ് ഹൈക്കോടതിയുടെ ഔദ്യോഗിക ഭാഷയാക്കണം. നഗരത്തിൽ നടന്ന സംസ്ഥാന മനുഷ്യാവകാശ കമ്മിഷന്റെ (എസ്‌എച്ച്ആർസി) രജതജൂബിലി ആഘോഷത്തിൽ സംസാരിക്കവെ സ്റ്റാലിൻ പറഞ്ഞു

കമ്മിഷന്റെ അന്വേഷണ സമിതിയിൽ പോലീസിന്റെ പ്രാതിനിധ്യം വർധിപ്പിക്കുന്നതും പാർശ്വവത്കരിക്കപ്പെട്ടവരുടെ അവകാശങ്ങൾക്കായി പ്രവർത്തിക്കുന്ന അവകാശ പ്രവർത്തകരുടെ സേവനം പ്രയോജനപ്പെടുത്തുന്നതും സർക്കാർ ഉടൻ അവലോകനം ചെയ്ത് തീരുമാനമെടുക്കുമെന്ന് ഉറപ്പുനൽകിയ മുഖ്യമന്ത്രി എസ്എച്ച്ആർസിയുടെ വെബ്‌സൈറ്റ് തമിഴിൽ ആക്കും , മനുഷ്യാവകാശവുമായി ബന്ധപ്പെട്ട വിവരങ്ങൾ എല്ലാവരിലേക്കും എത്തുന്നുവെന്ന് ഉറപ്പാക്കാൻ തമിഴിലേക്ക് വിവർത്തനം ചെയ്യുമെന്നും അദ്ദേഹം പറഞ്ഞു.