രസ്ന ഗ്രൂപ്പ് സ്ഥാപകനും ചെയര്മാനുമായ അരീസ് പിറോജ്ഷാ ഖംബട്ട അന്തരിച്ചു
Nov 21, 2022, 16:04 IST
ന്യൂഡല്ഹി: രസ്ന ഗ്രൂപ്പ് സ്ഥാപകനും ചെയര്മാനുമായ അരീസ് പിറോജ്ഷാ ഖംബട്ട അന്തരിച്ചു. 85 വയസ്സായിരുന്നു. അരീസ് ഖംബട്ട ബെനവലന്റ് ട്രസ്റ്റിന്റെയും രസ്ന ഫൗണ്ടേഷന്റെയും ചെയര്മാന് കൂടിയായിരുന്നു അരീസ് പിറോജ്ഷാ ഖംബട്ട. ഇന്ത്യന് വ്യവസായ രംഗത്ത് വലിയ സംഭാവനകള് നല്കിയ വ്യക്തിയാണ് അദ്ദേഹം. ഒരുകാലത്ത് രാജ്യത്തെ ശീതള പാനീയ രംഗത്തെ ജനപ്രിയ ബ്രാന്ഡായിരുന്നു രസ്ന. വീടുകളില് എല്ലാവര്ക്കും സുപരിചിതമായ പേരായിരുന്നു ഇത്. രസ്ന ഇപ്പോള് ലോകത്തിലെ ഏറ്റവും വലിയ സോഫ്റ്റ് ഡ്രിങ്ക് കോണ്സണ്ട്രേറ്റ് നിര്മ്മാതാവാണ്. 60 രാജ്യങ്ങളിലാണ് ഇത് വില്ക്കുന്നത്. 1970ലാണ് രസ്നയ്ക്ക് അരീസ് പിറോജ്ഷാ ഖംബട്ട തുടക്കമിട്ടത്. ചെലവുകുറഞ്ഞ ശീതള പാനീയം ജനങ്ങളില് എത്തിക്കുക എന്ന ലക്ഷ്യത്തോടെയായിരുന്നു രസ്ന അവതരിപ്പിച്ചത്.