അന്താരാഷ്ട്ര ചലച്ചിത്ര-സൃഷ്ടിപരമായ ആഘോഷങ്ങളുടെ വേദിയായ ‘കാൻസ് ലയൺസ് 2026’-ൽ തിളങ്ങി ബോളിവുഡ് താരം പ്രിയങ്ക ചോപ്ര (Priyanka Chopra Cannes Lions). കഥപറച്ചിലിന്റെയും സർഗ്ഗാത്മകതയുടെയും പ്രാധാന്യത്തെക്കുറിച്ച് ഡെബുസ്സി തിയേറ്ററിൽ നടന്ന സെഷനിൽ സംസാരിക്കാൻ എത്തിയ പ്രിയങ്ക, സിൽവിയ ടെറാസ്സിയുടെ കളർ-ബ്ലോക്ക്ഡ് സാറ്റിൻ ഹാൽട്ടർ ഡ്രസ്സിലാണ് എത്തിയത്. 1.8 ലക്ഷം രൂപ വിലമതിക്കുന്ന ഈ ഇറ്റാലിയൻ ഫാബ്രിക് ഡ്രസ്സ് താരത്തിന്റെ ലുക്കിന് അതീവ ചാരുത നൽകി.
തികച്ചും ലളിതവും എന്നാൽ പവർഫുൾ ആയതുമായ ‘കാഷ്വൽ പവർ ഡ്രസ്സിംഗ്’ ശൈലിയാണ് പ്രിയങ്ക ഈ പരിപാടിയിൽ അവലംബിച്ചത്. ഫ്രെഡ സാൽവദോറിന്റെ ലെതർ സാൻഡലുകളും, റോലെക്സ് ഡേ-ഡേറ്റ് വാച്ചും, പിങ്ക് നെക്ലേസും അണിഞ്ഞുള്ള താരത്തിന്റെ വേഷം ഫാഷൻ പ്രേമികളുടെ ശ്രദ്ധയാകർഷിച്ചു. ട്രെൻഡുകളെക്കാൾ ഉപരിയായി പ്രേക്ഷകരിൽ വികാരങ്ങൾ ഉണർത്തുന്ന കഥകൾക്കാണ് താൻ മുൻഗണന നൽകുന്നതെന്ന് പ്രിയങ്ക സെഷനിൽ പറഞ്ഞു. സിനിമകൾ നിർമ്മിക്കുമ്പോൾ പ്രേക്ഷകർക്ക് തിയേറ്ററിൽ നിന്ന് പുറത്തിറങ്ങിയ ശേഷവും ചർച്ച ചെയ്യാൻ കഴിയുന്ന കാര്യങ്ങൾ അതിലുണ്ടോ എന്ന് താൻ എപ്പോഴും ശ്രദ്ധിക്കാറുണ്ടെന്നും പ്രിയങ്ക കൂട്ടിച്ചേർത്തു.
Summary: Global star Priyanka Chopra turned heads at the Cannes Lions 2026 festival, where she spoke about the art of storytelling and maintaining creative vision. Priyanka opted for a chic Rs 1.8 lakh Silvia Tcherassi colour-blocked halter dress, showcasing a perfect balance of elegance and casual power dressing. During the session at the Debussy Theatre, the actor shared her philosophy on filmmaking, emphasizing that she prioritizes stories that evoke deep emotions and leave a lasting impact on audiences over fleeting trends.
