പാലക്കാട്: തൃത്താല മണ്ഡലത്തിൽ എൽ.ഡി.എഫിന്റെ കരുത്തനായ നേതാവിനെ അട്ടിമറിച്ചിട്ടും പുതിയ യു.ഡി.എഫ് മന്ത്രിസഭയിൽ പരിഗണിക്കപ്പെടാതെ വി ടി ബൽറാം. സോഷ്യൽ മീഡിയയിൽ ഒറ്റവാക്കിലൊതുക്കിയ പ്രതികരണമാണ് അദ്ദേഹം നടത്തിയത്. (VT Balram Facebook Post Reacts To Kerala Cabinet Exclusion After Thrithala Victory)
ഫേസ്ബുക്കിൽ “തൃത്താലയുടെ എം.എ.ൽ.എ.” എന്ന ഒറ്റവാചകം മാത്രമാണ് ബൽറാം തന്റെ ഔദ്യോഗിക പേജിൽ കുറിച്ചത്. പോസ്റ്റ് വന്ന് മിനിറ്റുകൾക്കകം ആയിരക്കണക്കിന് അണികളും അനുഭാവികളുമാണ് വി.ടി. ബൽറാമിന് പിന്തുണയുമായി കമന്റ് ബോക്സിലെത്തിയത്.
എന്നാൽ, ആദ്യ പോസ്റ്റിട്ടുണ്ടാക്കിയ രാഷ്ട്രീയ ചർച്ചകൾക്ക് പിന്നാലെ, പുതിയ യു.ഡി.എഫ് മന്ത്രിമാർക്ക് ആശംസകൾ നേർന്നുകൊണ്ടുള്ള മറ്റൊരു പോസ്റ്റും ബൽറാം പങ്കുവെച്ചു. “ഒരു പതിറ്റാണ്ടിന് ശേഷം യുഡിഎഫിൻ്റെ ഒരു സർക്കാർ നാളെ അധികാരമേൽക്കുന്നു. വി.ഡി. സതീശൻ്റെ നേതൃത്ത്വത്തിലുള്ള ടീം യുഡിഎഫ് മന്ത്രിസഭക്ക് ആശംസകൾ.
ജനങ്ങളാണ് മുഖ്യം.
ജനവിശ്വാസം കാത്ത്, വാഗ്ദാനങ്ങൾ പാലിച്ച്, കേരളത്തെ മുന്നോട്ടു നയിക്കാൻ പുതിയ ടീമിന് സാധിക്കട്ടെ, എന്നാണ് അദ്ദേഹം കുറിച്ചത്.
Story Summary
Congress leader VT Balram reacted on social media with a single phrase “MLA of Thrithala” after being excluded from the new UDF cabinet despite his historic win against MB Rajesh. He later shared another post wishing the new ministry success in leading the state.
