റിപ്പോർട്ട്: അൻവർ ഷരിഫ്
കോഴിക്കോട്: കോഴിക്കോട് കല്ലേരി ഗ്രീൻ വാലി റോഡിലെ വാടക കെട്ടിടം കേന്ദ്രീകരിച്ച് ലഹരിവില്പന നടത്തിവന്ന രണ്ടുപേരെ കോഴിക്കോട് സിറ്റി ഡാൻസാഫ് സംഘവും പൊലീസും ചേർന്ന് പിടികൂടി. കോഴിക്കോട് ചക്കുംകടവ് സ്വദേശി കുറ്റിക്കാട്ടൂരിൽ താമസിക്കുന്ന ഷാജഹാൻ, മലപ്പുറം വാഴക്കാട് സ്വദേശി അബ്ദുൽ കരീം എന്നിവരാണ് അറസ്റ്റിലായത് (Two Arrested With Hashish Oil ). ഇവരിൽ നിന്ന് 591 ഗ്രാം ഹാഷിഷ് ഓയിലും 1 കിലോ 200 ഗ്രാം കഞ്ചാവും പിടിച്ചെടുത്തു.
പിടിയിലായ ഷാജഹാൻ കഴിഞ്ഞ വർഷം ഒരു കിലോ ഹാഷിഷ് ഓയിലുമായി പിടിയിലായി ജാമ്യത്തിൽ ഇറങ്ങിയ ആളാണെന്ന് പൊലീസ് വ്യക്തമാക്കി. ഇയാളുടെ പേരിൽ മോഷണക്കേസുകൾ ഉൾപ്പെടെ നിരവധി ക്രിമിനൽ കേസുകളും ആന്ധ്രപ്രദേശിലെ സ്റ്റേഷനിൽ 32 കിലോ കഞ്ചാവ് കടത്തിയ കേസുമുണ്ട്. ഒപ്പമുള്ള അബ്ദുൽ കരീം മുമ്പ് 10 കിലോ കഞ്ചാവുമായി പിടിയിലായി ജാമ്യത്തിൽ കഴിയുന്നയാളാണ്. ഇയാളുടെ പേരിലും വിവിധ സ്റ്റേഷനുകളിലായി നിരവധി മോഷണക്കേസുകൾ നിലവിലുണ്ട്.
Summary: Kozhikode City DANSAF and police arrested two individuals, Shajahan and Abdul Kareem, after seizing 591 grams of hashish oil and 1.2 kg of ganja from a rented building in Kallery Green Valley Road, with both accused already facing multiple prior criminal and drug-related cases.
