കൊച്ചി: സി.ജെ.പി വിദ്യാർത്ഥി പ്രക്ഷോഭത്തെത്തുടർന്ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ച സംഭവത്തിൽ പ്രതികരണവുമായി സിനിമാ താരം ചന്തു സലിംകുമാർ. ഇൻസ്റ്റഗ്രാം സ്റ്റോറിയിലൂടെ പ്രമുഖ താരങ്ങളെ പരിഹസിച്ചുകൊണ്ടാണ് നടന്റെ ട്രോൾ.(Actor Chandu Salim Kumar Trolls stars After CJP Protest Success)
“കശ്മീരിൽ കല്ലേറ് നിർത്തിച്ചവർ, ഡൽഹിയിൽ കല്ലേറ് നിർത്തിക്കാൻ വന്നിട്ട് തിരിച്ചു പോയീന്ന് കേട്ടു, ശരിയാണോ ഗയ്സ്?” എന്നാണ് കാവി നിറത്തിലുള്ള ബാക്ക് ഗ്രൗണ്ടിൽ ചന്തു കുറിച്ചത്. ‘കാവി എന്റെ ഇഷ്ട നിറം’ എന്നും തമാശയായി അദ്ദേഹം ഇതിനൊപ്പം ചേർത്തിട്ടുണ്ട്.
ഡൽഹിയിലെ പ്രതിഷേധവുമായി ബന്ധപ്പെട്ട്, കശ്മീരിൽ കല്ലേറ് നിർത്താൻ അറിയാമെന്നും ഡൽഹിയിൽ അതിന് സാധിക്കില്ലേ എന്നും നടനും ബി ജെ പി നേതാവുമായ കൃഷ്ണകുമാർ മുൻപ് പ്രതികരിച്ചിരുന്നു. കാവി തന്റെ ഇഷ്ടനിറമാണെന്ന് പറഞ്ഞത് പേളി മാണിക്ക് വലിയ രീതിയിലുള്ള സൈബർ വിമർശനങ്ങൾ നേരിടാൻ കാരണമായിരുന്നു. ഇതിനെ മുൻനിർത്തിയാണ് ചന്തുവിന്റെ പരിഹാസം.
Story Summary
Actor Chandu Salim Kumar posted a satirical Instagram story following the resignation of Union Education Minister Dharmendra Pradhan over the CJP student protests. Referencing Krishnakumar’s earlier comments on Kashmir and Pearle’s controversial stance on the protests, Chanthu’s viral post added humor to the post-protest political commentary.
