ലൈംഗികാതിക്രമം; അധ്യാപകനെതിരെ കേന്ദ്ര വാഴ്സിറ്റിയിൽ രോഷം ശക്തം
May 15, 2024, 21:32 IST
![ലൈംഗികാതിക്രമം; അധ്യാപകനെതിരെ കേന്ദ്ര വാഴ്സിറ്റിയിൽ രോഷം ശക്തം](https://timeskerala.com/static/c1e/client/91214/uploaded/577d6b5ae36ed9128920849a75124155.gif)
കാസർകോട്: തുടർച്ചയായി ലൈംഗികാതിക്രമ കേസിൽ അറസ്റ്റിലാകുന്ന കേന്ദ്ര വാഴ്സിറ്റി അധ്യാപകൻ ഡോ. ഇഫ്തികർ അഹമ്മദിനെതിരെ നടപടിയാവശ്യപ്പെട്ട് വിദ്യാർഥി സംഘടനകൾ രംഗത്ത്. അമ്യൂസ് മെന്റ് പാർക്കിൽ യുവതിയോട് ലൈംഗികാതിക്രമം നടത്തി റിമാൻഡിലായ കേരള കേന്ദ്രസർവകലാശാലയിലെ അധ്യാപകൻ ഇഫ്തിക്കർ അഹമ്മദിനെ സർവിസിൽ നിന്ന്പുറത്താക്കണമെന്ന് എസ്.എഫ്.ഐ. മാസങ്ങൾക്ക് മുമ്പാണ് കേന്ദ്ര സർവകലാശാലയിലെ വിദ്യാർഥിനിയോട് ലൈംഗിക ഉദ്ദേശത്തോടെ മോശമായി പെരുമാറിയ ഇയാളെ സസ്പെൻഡ് ചെയ്തത്. ഈ അധ്യാപകനെ സർവിസിൽ നിന്നും പുറത്താക്കാനും നിയമ നടപടികളുമായി മുന്നോട്ട് പോകാനും സർവകലാശാല അധികാരികൾ തയാറാകണമെന്ന് എസ്.എഫ്.ഐ ജില്ല സെക്രട്ടേറിയറ്റ് പ്രസ്താവനയിലൂടെ ആവശ്യപ്പെട്ടു.