സ്കൂളുകൾ അടയ്ക്കുന്നത് പരിഗണിക്കും; തീരുമാനം അവലോകന യോഗത്തിനു ശേഷമെടുക്കുമെന്ന് വിദ്യാഭ്യാസ മന്ത്രി
Jan 13, 2022, 14:41 IST
തിരുവനന്തപുരം: സംസ്ഥാനത്ത് സ്കൂൾ അടയ്ക്കേണ്ട സാഹചര്യം ഉണ്ടോ എന്ന് പരിശോധിക്കുമെന്ന് വിദ്യാഭ്യാസമന്ത്രി വി.ശിവൻകുട്ടി. കൂടാതെ വിഷയത്തിൽ മുഖ്യമന്ത്രിയുമായി ആലോചിച്ച് തീരുമാനമെടുക്കും. ആരോഗ്യവിദഗ്ധർ കൂടി പങ്കെടുക്കുന്ന വെള്ളിയാഴ്ചത്തെ യോഗത്തിൽ അന്തിമ തീരുമാനമെടുക്കുമെന്നും മന്ത്രി അറിയിച്ചു .കോവിഡ് വ്യാപനം വിദ്യാർഥികളെ കാര്യമായി ബാധിച്ചിട്ടില്ല. എങ്കിലും രോഗവ്യാപനം രൂക്ഷമായ സാഹചര്യത്തിലാണ് കൂടിയാലോചനകൾ നടക്കുന്നതെന്നും മന്ത്രി വ്യക്തമാക്കി.സ്കൂളുകൾ നിലവിൽ അടയ്ക്കേണ്ടതില്ലെന്ന നിലപാടിലാണ് ആരോഗ്യവിദഗ്ധരും. രോഗവ്യാപനം കണക്കിലെടുത്ത് സമയക്രമത്തിൽ നിയന്ത്രണം കൊണ്ടുവരാനും സാധ്യതയുണ്ട്.