കോഴിക്കോട്: സംസ്ഥാന സർക്കാരിന്റെ നയങ്ങളെ വിമർശിച്ചുകൊണ്ട് സമസ്ത ഇകെ മുഖപത്രമായ ‘സുപ്രഭാതം’ രംഗത്ത്. കേന്ദ്രസർക്കാരിനെ വിമർശിക്കുന്നതിൽ സർക്കാർ കാണിക്കുന്ന അമിതമായ ജാഗ്രതയെ മുഖപ്രസംഗത്തിലൂടെ പത്രം ചോദ്യം ചെയ്യുന്നു.(Samastha mouthpiece Suprabhatam Criticizes State Government Stance Towards Centre)
സർക്കാരിന്റെ നയപ്രഖ്യാപന പ്രസംഗത്തിലോ ധവളപത്രത്തിലോ കേന്ദ്രസർക്കാരിനെതിരായ ഒരു വരി പോലും കാണാനില്ലാത്തത് അത്ഭുതകരമാണെന്ന് സുപ്രഭാതം പറയുന്നു. അർഹമായ വിഹിതം നൽകാത്ത കേന്ദ്രനിലപാടിനെതിരെ നിയമസഭയിൽ പോലും മുഖ്യമന്ത്രി മൗനം പാലിക്കുന്നത് അമ്പരിപ്പിക്കുന്നതാണ്.
ഗവർണറുടെ അമിതാധികാര പ്രവണതകളെ എന്തുകൊണ്ട് സർക്കാർ ശക്തമായി എതിർക്കുന്നില്ലെന്ന് ലേഖനം ചോദിക്കുന്നു. പിഎം ശ്രീ പദ്ധതിയിൽ സർക്കാർ സ്വീകരിക്കുന്ന നിലപാട് ഒളിച്ചുകളിയാണെന്ന് സുപ്രഭാതം ആരോപിക്കുന്നു. അധികാരത്തിൽ വന്നാൽ ഈ പദ്ധതി റദ്ദാക്കുമെന്ന് പ്രഖ്യാപിച്ചവർ ഇപ്പോൾ അത് നടപ്പിലാക്കാൻ കാണിക്കുന്ന വ്യഗ്രത സർക്കാരിന്റെ പ്രതിച്ഛായയെ ബാധിച്ചിട്ടുണ്ടെന്നും വിമർശനമുണ്ട്. സർക്കാരിന്റെ നിലപാടുകൾ ജനവിശ്വാസത്തെ തോൽപ്പിക്കുന്നതാണെന്നും, മുൻപ് ശക്തിയുക്തം എതിർത്ത പല കാര്യങ്ങളും ഇപ്പോൾ നടപ്പിലാക്കാൻ സർക്കാർ കാണിക്കുന്ന തിടുക്കം സംശയാസ്പദമാണെന്നും മുഖപ്രസംഗം ഓർമ്മിപ്പിക്കുന്നു.
Story Summary
The Samastha EK mouthpiece, ‘Suprabhatam’, has sharply criticized the state government for its reluctance to confront the central government on critical issues. The editorial questions why the government has avoided criticizing the Centre in its policy statements and policies, while also condemning the government’s ambiguous stance on the PM SHRI scheme
