തിരുവനന്തപുരം: അർദ്ധരാത്രി ഫോണിൽ ഉയർന്ന അസാധാരണമായ അലാറം ശബ്ദവും അലേർട്ട് സന്ദേശവും കേട്ട് ജനങ്ങൾ ഞെട്ടിയുണർന്നു. ഉറക്കത്തിലായിരുന്ന പലരും ഭയന്നുവെങ്കിലും വലിയ ദുരന്ത മുന്നറിയിപ്പുകൾ നൽകുന്നതിനായി കേന്ദ്ര സർക്കാർ നടപ്പിലാക്കിയ ‘സചേത് ബ്രോഡ്കാസ്റ്റ് അലർട്ട് സിസ്റ്റം’ വഴിയുള്ള മഴ മുന്നറിയിപ്പായിരുന്നു ഇത്.(SACHET Emergency Alert system causes midnight alarm scare in Kerala over rain warning)
ദേശീയ ദുരന്ത നിവാരണ അതോറിറ്റിയും ടെലികമ്മ്യൂണിക്കേഷൻ വകുപ്പും ചേർന്നാണ് ഈ സുരക്ഷാ സംവിധാനം ഒരുക്കിയിരിക്കുന്നത്. റെഡ് അലേർട്ട് പ്രഖ്യാപിച്ച പ്രദേശങ്ങളിലെ ആളുകളുടെ ഫോണുകളിലേക്കാണ് ജിയോ ടാർഗറ്റിംഗ് സാങ്കേതികവിദ്യ ഉപയോഗിച്ച് സന്ദേശങ്ങൾ അയക്കുന്നത്. 2026 മേയിലാണ് കേന്ദ്ര സർക്കാർ ഈ സംവിധാനം അടിയന്തര ഘട്ടങ്ങൾക്കായി പരീക്ഷിച്ചത്.
ഫോൺ സൈലന്റ് മോഡിലോ ‘ഡൂ നോട്ട് ഡിസ്റ്റർബ്’ മോഡിലോ ആണെങ്കിൽ പോലും ഉയർന്ന ശബ്ദത്തോടെ അലാറം മുഴങ്ങുകയും സ്ക്രീനിൽ മുന്നറിയിപ്പ് സന്ദേശം തെളിയുകയും ചെയ്യും. ആളുകളിലേക്ക് ഒരേസമയം അപകട മുന്നറിയിപ്പുകൾ എത്തിക്കാനും, ആളുകളെ അപകട മേഖലയിൽ നിന്ന് മാറ്റിപ്പാർപ്പിക്കാൻ സജ്ജരാക്കാനും ഈ മുൻകരുതൽ സംവിധാനത്തിന് സാധിക്കും.
Story Summary
Late-night loud emergency alarms on mobile phones left many residents startled in Kerala, which was actually the National Disaster Management Authority’s ‘Sachet’ broadcast alert system warning about heavy rainfall. The system delivers emergency disaster alerts even on silent phones using geo-targeting.
