കൊച്ചി: എറണാകുളം മണീടിൽ അന്യസംസ്ഥാന തൊഴിലാളിയെ കെട്ടിടത്തിന് മുകളിൽ മരിച്ച നിലയിൽ കണ്ടെത്തി (Maneed Migrant Worker Death). ഏകദേശം 40 വയസ്സ് പ്രായം തോന്നിക്കുന്ന ഇയാളെ ഇതുവരെ ഔദ്യോഗികമായി തിരിച്ചറിഞ്ഞിട്ടില്ല. മണീട് മേക്കാട്ടുമറ്റം കവലയ്ക്ക് സമീപമുള്ള ഇരുനില കെട്ടിടത്തിന്റെ ഓപ്പൺ ടെറസിലാണ് മൃതദേഹം കണ്ടെത്തിയത്.
ശനിയാഴ്ച രാത്രിയോടെയാണ് മൃതദേഹം കണ്ടെത്തിയത്. കൂടെ താമസിച്ചിരുന്ന മറ്റ് തൊഴിലാളികളാണ് പോലീസിനെ വിവരമറിയിച്ചത്. കണ്ടെത്തുമ്പോൾ മൃതദേഹത്തിന് രണ്ട് ദിവസത്തെ പഴക്കമുണ്ടായിരുന്നു. പ്രാഥമിക പരിശോധനയിൽ ശരീരത്തിൽ പരിക്കുകളൊന്നും കണ്ടെത്തിയിട്ടില്ല. അതിനാൽ സ്വാഭാവിക മരണമാണെന്നാണ് പിറവം പോലീസിന്റെ നിഗമനം.
‘രാജു’ എന്ന് വിളിക്കപ്പെടുന്ന ഇയാൾ അസം സ്വദേശിയാണെന്നാണ് സംശയിക്കുന്നത്. കഴിഞ്ഞ ആറ് മാസമായി മണീടിൽ വാടകയ്ക്ക് താമസിച്ച് വരികയായിരുന്നു. കെട്ടിട ഉടമയ്ക്കും ഇയാളെക്കുറിച്ച് കൂടുതൽ അറിവില്ല. പോലീസിന് ലഭിച്ച ആധാർ നമ്പറും ഫോട്ടോയും ഉപയോഗിച്ച് ഇയാളുടെ കൃത്യമായ വിലാസം കണ്ടെത്താനുള്ള ശ്രമങ്ങൾ ആരംഭിച്ചു.
പോസ്റ്റ്മോർട്ടത്തിന് ശേഷം മൃതദേഹം ഇപ്പോൾ പിറവം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
News Summary: The body of a migrant worker was found on the terrace of a two-story building in Maneed, Ernakulam. The deceased, estimated to be around 40 years old and known as ‘Raju,’ is suspected to be a native of Assam. The body was discovered by fellow workers on Saturday night and appeared to be two days old. Piravam police stated that no injuries were found on the body, suggesting a natural death. Authorities are currently using the Aadhaar number and photo obtained at the scene to confirm his identity. The body is kept at the Piravam Taluk Hospital mortuary.
