പ്രധാനമന്ത്രിയുമായി കൂടിക്കാഴ്ച നടത്തി മേജർ ആർച്ച്ബിഷപ് മാർ റാഫേൽ തട്ടിൽ
![പ്രധാനമന്ത്രിയുമായി കൂടിക്കാഴ്ച നടത്തി മേജർ ആർച്ച്ബിഷപ് മാർ റാഫേൽ തട്ടിൽ](https://timeskerala.com/static/c1e/client/91214/uploaded/91a2da3caa23b31612da1bf2d7f1020a.png)
ഡൽഹി: സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. ഇന്ന് രാവിലെ 11 ന് പാർലമെന്റ് ഹൗസിലായിരുന്നു ഇരുവരും കൂടിക്കാഴ്ച നടത്തിയത്. മേജർ ആർച്ച്ബിഷപ്പായ ശേഷം ഇത് ആദ്യമായാണ് മാർ റാഫേൽ തട്ടിൽ പ്രധാനമന്ത്രിയെ കാണുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
ഇന്ത്യയുടെ സാഹചര്യങ്ങളും സഭയുടെ സഹകരണത്തിന്റെ മേഖലകളുമാണ് പ്രധാനമന്ത്രിയുമായി പങ്കുവച്ചതെന്ന് മാർ റാഫേൽ തട്ടിൽ കൂടിക്കാഴ്ചയ്ക്ക് ശേഷം പ്രതികരിച്ചു. മോദിയുടെ കരുതലും പരിഗണനയും എടുത്തുപറഞ്ഞ അദ്ദേഹം തങ്ങളുടെ ബുദ്ധിമുട്ടുകൾ കേൾക്കുകയും പരിഹരിക്കുകയും ചെയ്യാനുള്ള ഒരു സർക്കാരെന്ന നിലയിലാണ് പ്രധാനമന്ത്രി തങ്ങളോട് സംസാരിച്ചതെന്നുംവ്യക്തമാക്കി.