കോഴിക്കോട്: ബിൽ പാസാക്കുന്നതിനായി കോഴിക്കോട് കളക്ടറേറ്റ് ഓഫീസിൽ കരാറുകാരനിൽ നിന്ന് കൈക്കൂലി വാങ്ങുന്നതിനിടെ എൽ.എസ്.ജി.ഡി ഓവർസിയർ വിജിലൻസിന്റെ പിടിയിലായി. നവീൻ രവിയാണ് പതിനായിരം രൂപ കൈക്കൂലി വാങ്ങുന്നതിനിടെ വിജിലൻസ് സംഘത്തിന്റെ കെണിയിൽ കുടുങ്ങിയത്.(LSGD Overseer Arrested In Kozhikode For Accepting Bribe At Collectorate)
റോഡ് നിർമ്മാണവുമായി ബന്ധപ്പെട്ട ബിൽ പാസാക്കുന്നതിനാണ് നവീൻ രവി കരാറുകാരനോട് പണം ആവശ്യപ്പെട്ടത്. നേരത്തെ ബിൽ തുക അനുവദിക്കുന്നതിനായി ഇയാൾ അയ്യായിരം രൂപ കൈക്കൂലിയായി വാങ്ങിയിരുന്നു. എന്നാൽ പണം നൽകിയിട്ടും ബിൽ പാസാക്കാൻ ഇയാൾ തയ്യാറായില്ല. വീണ്ടും പതിനായിരം രൂപ കൂടി ആവശ്യപ്പെട്ടതോടെ കരാറുകാരൻ വിജിലൻസിനെ സമീപിക്കുകയായിരുന്നു.
തുടർന്ന് വിജിലൻസിന്റെ നേതൃത്വത്തിൽ നടത്തിയ ആസൂത്രിതമായ നീക്കത്തിനൊടുവിലാണ് നവീൻ രവി പിടിയിലാകുന്നത്.കുറച്ചു ദിവസങ്ങളായി ഇയാൾ വിജിലൻസിന്റെ കർശന നിരീക്ഷണത്തിലായിരുന്നു.
Story Summary
A LSGD overseer named Naveen Ravi was arrested by the Vigilance department in Kozhikode while accepting a bribe of ₹10,000 at the Collectorate. The official had allegedly demanded the money to clear a road construction bill, despite having previously accepted ₹5,000 without processing the payment.
