കൊച്ചി: കുംഭമേളയിലെ വീഡിയോയിലൂടെ വൈറലായ പെൺകുട്ടിയുടെ വിവാഹവുമായി ബന്ധപ്പെട്ട കേസിൽ ഭർത്താവിന് തിരിച്ചടി. ഇയാൾ നൽകിയ അറസ്റ്റ് തടയണമെന്നാവശ്യപ്പെട്ടുള്ള ഹർജി കേരള ഹൈക്കോടതി തള്ളി. മധ്യപ്രദേശിലാണ് കേസ് രജിസ്റ്റർ ചെയ്തിരിക്കുന്നതെന്നും, ഇക്കാര്യത്തിൽ മധ്യപ്രദേശ് ഹൈക്കോടതിയെ സമീപിക്കണമെന്നും കേരള ഹൈക്കോടതി വ്യക്തമാക്കി.(Kumbh Mela girl marriage case, Kerala High Court rejects bail plea of Kumbh Mela viral girl’s husband )
അധികാര പരിധിക്ക് പുറത്തുള്ള വിഷയമായതിനാൽ ഇതിൽ ഇടപെടാൻ സാധിക്കില്ലെന്നും കോടതി ചൂണ്ടിക്കാട്ടി. മധ്യപ്രദേശിലെ മഹേശ്വറിലുള്ള പ്രത്യേക പോക്സോ കോടതി നേരത്തെ ഇയാളുടെ മുൻകൂർ ജാമ്യാപേക്ഷ തള്ളിയിരുന്നു. ഇതിനുപിന്നാലെയാണ് സംരക്ഷണം ആവശ്യപ്പെട്ട് പെൺകുട്ടിയും ഭർത്താവും കേരള ഹൈക്കോടതിയെ സമീപിച്ചത്.
വിവാഹവുമായി ബന്ധപ്പെട്ട് രജിസ്റ്റർ ചെയ്ത കേസിൽ നിയമനടപടികൾ നേരിടുന്നതിനിടെയാണ് ദമ്പതികൾ കൊച്ചിയിലേക്ക് മാറിയത്. ജാമ്യഹർജി തള്ളിയ സാഹചര്യത്തിൽ പെൺകുട്ടിയുടെ ഭർത്താവിൻ്റെ അറസ്റ്റ് ഉൾപ്പെടെയുള്ള നടപടികളിലേക്ക് മധ്യപ്രദേശ് പോലീസ് കടന്നേക്കും.
Story Summary
The Kerala High Court has dismissed a plea filed by husband of the viral ‘Kumbh Mela girl,’ seeking to prevent his arrest in a case related to their marriage. Citing that the case falls under the jurisdiction of the Madhya Pradesh courts, the High Court directed the petitioner to approach the appropriate legal forum in Madhya Pradesh.
