കൊല്ലം: കൊല്ലൂർവിള പള്ളിമുക്കിലെ ഓഡിറ്റോറിയത്തിൽ നടന്ന വിവാഹസൽക്കാരത്തിനിടെ ഐസ്ക്രീമിനെച്ചൊല്ലി വൻ സംഘർഷം. കൺമുന്നിലെ കയ്യാങ്കളിയും കൂട്ടത്തല്ലും കണ്ട വധു ഓഡിറ്റോറിയത്തിൽ കുഴഞ്ഞുവീണു. ഇവരെ ഉടൻ തന്നെ ആശുപത്രിയിൽ പ്രവേശിപ്പിച്ചു. (Kollam Wedding Reception Mass Brawl Over Ice Cream Bride Collapses)
സൽക്കാരത്തിൽ പങ്കെടുത്ത ഒരാൾ ആദ്യം ഐസ്ക്രീം കഴിച്ച ശേഷം രണ്ടാമതും ആവശ്യപ്പെട്ടതോടെയാണ് പ്രശ്നങ്ങളുടെ തുടക്കം. എന്നാൽ കൗണ്ടറിലുണ്ടായിരുന്ന വിതരണക്കാരൻ വീണ്ടും ഐസ്ക്രീം നൽകാൻ തയ്യാറായില്ല. ഇത് ചോദ്യം ചെയ്തതോടെ അതിഥികൾക്കിടയിൽ തർക്കം ഉടലെടുക്കുകയും ചെയ്തു.
വാക്കുതർക്കം മിനിറ്റുകൾക്കകം കയ്യാങ്കളിയിലേക്കും പിന്നീട് വലിയ കൂട്ടത്തല്ലിലേക്കും നീങ്ങി. കസേരകളും പ്ലേറ്റുകളും പരസ്പരം വായുവിൽ പറന്നതോടെ സൽക്കാരത്തിനെത്തിയ സ്ത്രീകളും കുട്ടികളും ഉൾപ്പെടെയുള്ള അതിഥികൾ ഓഡിറ്റോറിയത്തിന് പുറത്തേക്ക് ഭയന്നോടി. ഹാളിനുള്ളിൽ തുടങ്ങിയ തല്ല് പിന്നീട് റോഡിലേക്കും വ്യാപിച്ചു. വിവരമറിഞ്ഞ് പൊലീസ് സ്ഥലത്തെത്തിയാണ് രംഗം ശാന്തമാക്കിയത്.
Story Summary
A mass brawl erupted over ice cream during a wedding reception at an auditorium in Kollam, causing the panicked bride to collapse on the spot. Guests threw chairs and plates at each other before the fight spilled onto the main road, prompting police intervention; however, no cases were filed as both families declined to complain.
