മസ്കത്ത്: ഒമാനിലെ മസ്കത്തിന് സമീപമുള്ള അൽ ഹൈലിൽ മലയാളി യുവാവിനെ താമസസ്ഥലത്ത് മരിച്ച നിലയിൽ കണ്ടെത്തി (Muscat Expat Death). കൊല്ലം കുളത്തൂപ്പുഴ സ്വദേശി രതീഷ് (43) ആണ് മരിച്ചത്. കഴിഞ്ഞ വെള്ളിയാഴ്ചയാണ് ഇദ്ദേഹത്തെ മരിച്ച നിലയിൽ കണ്ടെത്തിയത്. മരണകാരണം സംബന്ധിച്ച് നിലവിൽ വ്യക്തതയില്ല.
15 വർഷത്തിലേറെയായി ഒമാനിൽ പ്രവാസിയായിരുന്ന രതീഷ് പ്രവാസലോകത്ത് സുപരിചിതനായിരുന്നു. സംഭവമറിഞ്ഞ് റോയൽ ഒമാൻ പോലീസ് സ്ഥലത്തെത്തി പ്രാഥമിക നടപടികൾ പൂർത്തിയാക്കിയ ശേഷം മൃതദേഹം ആശുപത്രി മോർച്ചറിയിലേക്ക് മാറ്റി. മസ്കത്ത് കെ.എം.സി.സി കെയർ വിങ്ങിന്റെ നേതൃത്വത്തിൽ മരണാനന്തര നടപടികൾ വേഗത്തിലാക്കി വരികയാണ്.
സജിത സുകുമാരനാണ് രതീഷിന്റെ ഭാര്യ. നിരഞ്ജൻ ആർ. പിളള, നീരജ് ആർ. പിളള എന്നിവർ മക്കളാണ്. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കാനുള്ള ശ്രമങ്ങൾ നടക്കുകയാണെന്ന് ബന്ധുക്കൾ അറിയിച്ചു.
Story Summary: Ratheesh (43), a native of Kulathupuzha, Kollam, was found dead at his residence in Al Hail, Muscat. He had been an expat in Oman for over 15 years. Royal Oman Police and Muscat KMCC are coordinating efforts to complete legal formalities and repatriate the body.
