തിരുവനന്തപുരം: വേനൽച്ചൂടിന് ആശ്വാസമായി സംസ്ഥാനത്ത് വരും ദിവസങ്ങളിലും മഴ തുടരുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു (Kerala Rain Update). മെയ് ആറാം തീയതി വരെ വിവിധ ജില്ലകളിൽ മഴയ്ക്ക് സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ പ്രത്യേക ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്.
അലർട്ടുകൾ ഇങ്ങനെ:
വിവിധ ദിവസങ്ങളിൽ യെല്ലോ അലർട്ട് പ്രഖ്യാപിച്ചിട്ടുള്ള ജില്ലകൾ:
ഇന്ന് (മെയ് 2): പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം.
ഞായറാഴ്ച (മെയ് 3): കൊല്ലം, പത്തനംതിട്ട, ആലപ്പുഴ, ഇടുക്കി.
തിങ്കളാഴ്ച (മെയ് 4): ഇടുക്കി, പാലക്കാട്.
ചൊവ്വാഴ്ച (മെയ് 5): എറണാകുളം, തൃശ്ശൂർ, മലപ്പുറം, വയനാട്.
ബുധനാഴ്ച (മെയ് 6): ആലപ്പുഴ, കോട്ടയം, എറണാകുളം, തൃശ്ശൂർ, വയനാട്.
മണിക്കൂറിൽ 40 കി.മീ വേഗതയിൽ കാറ്റ്
മഴയ്ക്കൊപ്പം മണിക്കൂറിൽ 40 കിലോമീറ്റർ വരെ വേഗതയിൽ വീശിയടിക്കാവുന്ന ശക്തമായ കാറ്റിനും ഇടിമിന്നലിനും സാധ്യതയുണ്ട്. ഉച്ചയ്ക്ക് ശേഷം ഇടിമിന്നൽ സാധ്യത കൂടുതലായതിനാൽ മലയോര മേഖലയിലുള്ളവരും വിനോദസഞ്ചാരികളും ജാഗ്രത പാലിക്കണം.
ഇടിമിന്നൽ സമയത്ത് ജലാശയങ്ങളിൽ ഇറങ്ങുന്നതും മരങ്ങൾക്ക് താഴെ നിൽക്കുന്നതും ഒഴിവാക്കണമെന്ന് ദുരന്തനിവാരണ അതോറിറ്റി അറിയിച്ചു.
Story Summary: The India Meteorological Department (IMD) has issued a rain warning for Kerala until May 6, 2026. Several districts, including Idukki, Pathanamthitta, and Ernakulam, are under yellow alert on different days. Thunderstorms accompanied by gusty winds of up to 40 kmph are expected across the state.
