തിരുവനന്തപുരം: വേനലവധിക്ക് ശേഷം സംസ്ഥാനത്തെ സ്കൂളുകൾ നാളെ (ജൂൺ 1) തുറക്കും (Kerala School Praveshanolsavam 2026). ഒന്നാം ക്ലാസ് മുതൽ പന്ത്രണ്ടാം ക്ലാസ് വരെയുള്ള 42 ലക്ഷത്തോളം വിദ്യാർത്ഥികളെ വരവേൽക്കാൻ അക്ഷരമുറ്റങ്ങൾ പൂർണ്ണമായി ഒരുങ്ങിക്കഴിഞ്ഞു, ഇത്തവണ ഒന്നാം ക്ലാസിലേക്ക് മാത്രം മൂന്ന് ലക്ഷത്തിലധികം പുതിയ കുട്ടികൾ എത്തുമെന്നാണ് വിദ്യാഭ്യാസ വകുപ്പിന്റെ കണക്കുകൂട്ടൽ.
സംസ്ഥാനതല സ്കൂൾ പ്രവേശനോത്സവത്തിന്റെ ഉദ്ഘാടനം തിരുവനന്തപുരം പട്ടം ഗവൺമെന്റ് മോഡൽ ഗേൾസ് ഹയർ സെക്കൻഡറി സ്കൂളിൽ വെച്ച് നടക്കും. നാളെ രാവിലെ 9:30-ന് മുഖ്യമന്ത്രി വി. ഡി. സതീശൻ സംസ്ഥാനതല ഉദ്ഘാടനം നിർവ്വഹിക്കും. ചടങ്ങിൽ വിദ്യാഭ്യാസ മന്ത്രി ഉൾപ്പെടെയുള്ള പ്രമുഖർ പങ്കെടുക്കും. പത്ത് വർഷത്തെ ഇടവേളയ്ക്ക് ശേഷം യു.ഡി.എഫ് സർക്കാരിന്റെ നേതൃത്വത്തിൽ നടക്കുന്ന ആദ്യ പ്രവേശനോത്സവമാണിത് എന്ന പ്രത്യേകതയുമുണ്ട്.
ഒട്ടനവധി പുതുമകളോടെയാണ് ഇത്തവണ വിദ്യാലയങ്ങൾ കുട്ടികളെ വരവേൽക്കുന്നത്. പൂർണ്ണമായും ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യ ഉപയോഗിച്ച് ദൃശ്യാവിഷ്കാരം നിർവ്വഹിച്ച പ്രവേശനോത്സവ ഗാനമാണ് ഇത്തവണത്തെ പ്രധാന ആകർഷണം. പ്രശസ്ത കവിയും ഗാനരചയിതാവുമായ റഫീഖ് അഹമ്മദാണ് ഈ ഗാനത്തിന്റെ വരികൾ രചിച്ചിരിക്കുന്നത്. പുതിയ കാലത്തിനനുസരിച്ചുള്ള ആധുനിക ആശയങ്ങൾ ഉൾക്കൊണ്ടാണ് പ്രവേശനോത്സവ പരിപാടികൾ ആസൂത്രണം ചെയ്തിരിക്കുന്നത്.
തിരുവനന്തപുരത്ത് സംസ്ഥാനതല ഉദ്ഘാടനം നടക്കുമ്പോൾ, മറ്റ് എല്ലാ ജില്ലകളിലും ജില്ലാ അടിസ്ഥാനത്തിലുള്ള പ്രവേശനോത്സവങ്ങൾ സംഘടിപ്പിക്കുന്നതിനുള്ള വിപുലമായ ഒരുക്കങ്ങളും പൂർത്തിയായിട്ടുണ്ട് . സ്കൂളുകൾ ശുചീകരിക്കുന്നതിനും കുട്ടികൾക്ക് ആവശ്യമായ പാഠപുസ്തകങ്ങളും വിതരണ സാമഗ്രികളും എത്തിക്കുന്നതിനുമുള്ള അവസാനഘട്ട മിനുക്കുപണികളും വിദ്യാലയങ്ങളിൽ പൂർത്തിയായിക്കഴിഞ്ഞു.
Story Summary: Schools across Kerala are all set to reopen tomorrow after the summer vacation, welcoming around 42 lakh students from grades 1 to 12. Education department estimates show that over 3 lakh newcomers will be joining the first grade this academic year. The state-level inauguration of ‘Praveshanolsavam’ will be held at Pattam Government Model Girls Higher Secondary School in Thiruvananthapuram, where Chief Minister V. D. Satheesan will officially inaugurate the event at 9:30 AM in the presence of the Education Minister.
