കൊച്ചി: സംസ്ഥാനത്ത് സ്വർണവിലയിൽ വലിയ കുറവ് രേഖപ്പെടുത്തി. 22 കാരറ്റ് സ്വർണം ഗ്രാമിന് 190 രൂപ കുറഞ്ഞ് 13,965 രൂപയിലും, പവന് 1,520 രൂപ കുറഞ്ഞ് 1,11,720 രൂപയിലുമാണ് ഇന്ന് വ്യാപാരം നടക്കുന്നത്.(Kerala gold price lowered, know about today’s rate)
മറ്റ് വിഭാഗങ്ങളിലും വിലയിൽ കുറവുണ്ടായിട്ടുണ്ട്. 18 കാരറ്റ് സ്വർണം ഗ്രാമിന് 11,475 രൂപയും പവന് 91,800 രൂപയുമാണ് ഇന്നത്തെ നിരക്ക്. കുറഞ്ഞ മാറ്റുള്ള 14 കാരറ്റ് സ്വർണത്തിന് ഗ്രാമിന് 8,935 രൂപയും പവന് 71,480 രൂപയുമാണ് വില. വെള്ളി വില ഗ്രാമിന് 275 രൂപയായി തുടരുന്നു.
കഴിഞ്ഞ ജനുവരി 29-ന് പവൻ വില 1.31 ലക്ഷം രൂപ എന്ന റെക്കോർഡ് ഉയരത്തിൽ എത്തിയ ശേഷമാണ് ഇപ്പോൾ വലിയ ഇടിവ് സംഭവിച്ചിരിക്കുന്നത്. ആഭരണങ്ങൾ വാങ്ങുമ്പോൾ ഈ വിലയ്ക്ക് പുറമെ ജി.എസ്.ടിയും പണിക്കൂലിയും അധികമായി നൽകേണ്ടി വരുമെന്ന് ഉപഭോക്താക്കൾ ശ്രദ്ധിക്കുക.
