തിരുവനന്തപുരം: മൂന്ന് ദിവസമായി തുടർന്ന നീണ്ട ചർച്ചകൾക്കും തർക്കങ്ങൾക്കുമൊടുവിൽ പുതിയ യു.ഡി.എഫ് മന്ത്രിസഭയിലെ വകുപ്പ് വിഭജനം പൂർത്തിയായി. പ്രോടെം സ്പീക്കറുടെ സത്യപ്രതിജ്ഞാ ചടങ്ങിന് മുന്നോടിയായി മുഖ്യമന്ത്രി വി.ഡി സതീശൻ മന്ത്രിമാരുടെ വകുപ്പുകൾ അടങ്ങിയ അന്തിമ പട്ടിക ഗവർണർ രാജേന്ദ്ര ആർലേക്കർക്ക് കൈമാറി. സത്യപ്രതിജ്ഞ നടന്ന ദിവസം രാത്രി തന്നെ വകുപ്പ് വിഭജന ചർച്ചകൾ പൂർത്തിയായിരുന്നുവെന്നും ഗവർണർ സ്ഥലത്തില്ലാത്തതിനാലാണ് ഇന്ന് രാവിലെ ലിസ്റ്റ് സമർപ്പിച്ചതെന്നും മുഖ്യമന്ത്രി മാധ്യമങ്ങളോട് വ്യക്തമാക്കി.(Kerala cabinet portfolio allocation 2026)
മുഖ്യമന്ത്രി വി.ഡി സതീശൻ ധനകാര്യവും പൊതുഭരണവും കൈകാര്യം ചെയ്യുമ്പോൾ, രമേശ് ചെന്നിത്തലയ്ക്കാണ് ആഭ്യന്തര വകുപ്പ്. കെ. മുരളീധരൻ ആരോഗ്യ വകുപ്പും, പി.കെ കുഞ്ഞാലിക്കുട്ടി വ്യവസായ-ഐ.ടി വകുപ്പുകളും കൈകാര്യം ചെയ്യും.
| മന്ത്രി | വകുപ്പുകൾ |
| വി. ഡി സതീശൻ (മുഖ്യമന്ത്രി) | ധനകാര്യം, നിയമം, പൊതുഭരണം, തുറമുഖം, സയൻസ് & ടെക്നോളജി, ലോട്ടറി, എയർപോർട്ട്, മെട്രോ |
| രമേശ് ചെന്നിത്തല | ആഭ്യന്തരം, വിജിലൻസ്, ഫയർ & റെസ്ക്യൂ, ജയിൽ, കയർ |
| പി. കെ കുഞ്ഞാലിക്കുട്ടി | വ്യവസായം, ഐ.ടി |
| കെ. മുരളീധരൻ | ആരോഗ്യം, ദേവസ്വം, മെഡിക്കൽ വിദ്യാഭ്യാസം, മെഡിക്കൽ യൂണിവേഴ്സിറ്റി, ഭക്ഷ്യ സുരക്ഷ |
| സണ്ണി ജോസഫ് | വൈദ്യുതി, പരിസ്ഥിതി, പാർലമെന്ററി കാര്യം |
| എ. പി അനിൽകുമാർ | റവന്യൂ |
| പി. സി വിഷ്ണുനാഥ് | ടൂറിസം, സാംസ്കാരികം |
| എം. ലിജു | സഹകരണം, എക്സൈസ് |
| റോജി എം. ജോൺ | ഉന്നത വിദ്യാഭ്യാസം |
| ടി. സിദ്ദിഖ് | കൃഷി |
| കെ. എ തുളസി | പട്ടിക ജാതി – പട്ടിക വർഗ ക്ഷേമ വകുപ്പ് |
| ബിന്ദു കൃഷ്ണ | തൊഴിൽ, വനിതാ – ശിശു സംരക്ഷണം, ക്ഷീര വികസനം |
| ഒ. ജെ ജനീഷ് | കായികം, യുവജനക്ഷേമം |
| എൻ. ഷംസുദ്ദീൻ | പൊതുവിദ്യാഭ്യാസം, ന്യൂനപക്ഷ വികസനം |
| കെ. എം ഷാജി | തദ്ദേശ സ്വയം ഭരണം |
| മോൻസ് ജോസഫ് | ജലവിഭവ വകുപ്പ്, ഇറിഗേഷൻ |
| പി. കെ ബഷീർ | പൊതുമരാമത്ത് |
| വി. ഇ അബ്ദുൽ ഗഫൂർ | ഫിഷറീസ്, സാമൂഹ്യനീതി |
| അനൂപ് ജേക്കബ് | ഭക്ഷ്യ, പൊതുവിതരണം |
| സി. പി ജോൺ | ഗതാഗതം |
| ഷിബു ബേബി ജോൺ | വനം വകുപ്പ് |
അതിനിടെ, നിയമസഭയിലെ മുതിർന്ന അംഗമായ ജി. സുധാകരൻ പ്രോടെം സ്പീക്കറായി സത്യപ്രതിജ്ഞ ചെയ്ത് അധികാരമേറ്റു. ലോക്ഭവനിൽ നടന്ന ചടങ്ങിൽ ഗവർണർ രാജേന്ദ്ര ആർലേക്കർ സത്യാവാചകം ചൊല്ലിക്കൊടുത്തു. നാളെ ചേരുന്ന നിയമസഭാ സമ്മേളനത്തിൽ പുതിയതായി തെരഞ്ഞെടുക്കപ്പെട്ട എല്ലാ എം.എൽ.എമാർക്കും സത്യവാചകം ചൊല്ലിക്കൊടുക്കുന്നത് പ്രോടെം സ്പീക്കർ ജി. സുധാകരനായിരിക്കും.
Story Summary
The portfolio allocation for the new Kerala cabinet has been finalized after three days of intense discussions. CM V.D. Satheesan submitted the final list to Governor Rajendra Arlekar. Key portfolios include Finance for CM V.D. Satheesan, Home for Ramesh Chennithala, Industries & IT for P.K. Kunhalikutty, and Health for K. Muraleedharan. Meanwhile, senior leader G. Sudhakaran was sworn in as the Pro-tem Speaker by the Governor and will administer the oath to newly elected MLAs tomorrow.
