കരുവന്നൂർ ബാങ്ക് തട്ടിപ്പ്; എ.സി.മൊയ്തീന്റെ സ്വത്തുക്കൾ കണ്ടുകെട്ടിയ നടപടി ശരിവച്ചു
Feb 5, 2024, 19:18 IST
![കരുവന്നൂർ ബാങ്ക് തട്ടിപ്പ്; എ.സി.മൊയ്തീന്റെ സ്വത്തുക്കൾ കണ്ടുകെട്ടിയ നടപടി ശരിവച്ചു](https://timeskerala.com/static/c1e/client/91214/uploaded/c22102f2a5492131a4a39d8df90f25fa.jpg)
കൊച്ചി: കരുവന്നൂർ ബാങ്ക് തട്ടിപ്പുകേസിൽ മുൻ മന്ത്രി എ.സി.മൊയ്തീന്റെ സ്വത്തുക്കൾ കണ്ടുകെട്ടിയ ഇഡി നടപടി ഡൽഹി അഡ്ജ്യുടിക്കറ്റിംഗ് അഥോറിറ്റി ശരിവച്ചു. മൊയ്തീന്റെയും ഭാര്യയുടെയും പേരിലുള്ള ആറു ബാങ്ക് അക്കൗണ്ടുകളിലുള്ള 40 ലക്ഷം രൂപയാണ് കണ്ടുകെട്ടിയത്. അതേസമയം ഭൂസ്വത്തുക്കൾ ഇപ്പോൾ കണ്ടുകെട്ടിയവയിൽ ഉൾപ്പെടുന്നില്ലെന്നാണ് ലഭിക്കുന്ന റിപ്പോർട്ട്.
![](https://timeskerala.com/static/c1e/static/themes/16/91214/3752/images/New-Creative-.png)
കേസിൽ അന്വേഷണം നേരിടുന്ന ബാങ്ക് മുൻ മാനേജർ ബിജു കരീമിന്റെ ബന്ധു കൂടിയാണ് എ.സി. മൊയ്തീൻ. ഈ സാഹചര്യത്തിൽ ബാങ്കിൽ നിന്ന് ബെനാമികൾ വ്യാജ രേഖകൾ ഹാജരാക്കി ലോൺ നേടിയതിൽ മൊയ്തീന്ന് പങ്കുണ്ടോ എന്നാണ് ഇഡി അന്വഷിക്കുന്നത്.