കോഴിക്കോട്: വൻ രാഷ്ട്രീയ വിവാദമുയർത്തിയ ‘കാഫിർ’ സ്ക്രീൻഷോട്ട് കേസിൽ അന്വേഷണം നിർണ്ണായക ഘട്ടത്തിലേക്ക്. സാക്ഷികളുടെയും സംശയിക്കപ്പെടുന്നവരുടെയും മൊഴികളിൽ വൈരുധ്യമുണ്ടോ എന്ന് പരിശോധിക്കാനാണ് പ്രത്യേക അന്വേഷണ സംഘത്തിന്റെ തീരുമാനം. കേസിൽ മൊഴിയെടുത്ത ഡിവൈഎഫ്ഐ പ്രവർത്തകൻ റിബേഷ് രാമകൃഷ്ണൻ അടക്കമുള്ളവർ മുൻപ് നൽകിയ മൊഴികളും, പുതുതായി രേഖപ്പെടുത്തിയവയും തമ്മിലുള്ള വ്യത്യാസങ്ങൾ സംഘം വിശദമായി പരിശോധിക്കും.(Kafir Screenshot Case Investigation Focuses On Digital Evidence)
സ്ക്രീൻഷോട്ട് തങ്ങൾക്ക് ലഭിച്ചത് വിവിധ വാട്സാപ്പ് ഗ്രൂപ്പുകളിൽ നിന്ന് ഫോർവേഡ് ചെയ്ത് കിട്ടിയതാണെന്ന വാദത്തിൽ തന്നെയാണ് ചോദ്യം ചെയ്യപ്പെട്ടവർ ഇപ്പോഴും ഉറച്ചുനിൽക്കുന്നത്. സ്ക്രീൻഷോട്ട് യഥാർത്ഥത്തിൽ ആരാണ് നിർമ്മിച്ചതെന്ന കാര്യത്തിൽ ഇപ്പോഴും വ്യക്തത വന്നിട്ടില്ല. ഈ സാഹചര്യത്തിൽ ഡിജിറ്റൽ തെളിവുകളെയാണ് അന്വേഷണ സംഘം പൂർണ്ണമായും ആശ്രയിക്കുന്നത്.
കേസിൽ പിടിച്ചെടുത്ത മൊബൈൽ ഫോണുകളുടെ ഫോറൻസിക് പരിശോധനാ ഫലം ഉടൻ ലഭ്യമാകുമെന്നാണ് സൂചന. സ്ക്രീൻഷോട്ട് ആദ്യമായി നിർമ്മിച്ചതും പ്രചരിപ്പിച്ചതുമായ ഡിജിറ്റൽ വിലാസങ്ങൾ ഫോറൻസിക് റിപ്പോർട്ടിലൂടെ കണ്ടെത്താനാകുമെന്ന പ്രതീക്ഷയിലാണ് പോലീസ്. കേസുമായി ബന്ധപ്പെട്ട് ഡിവൈഎഫ്ഐ വടകര ബ്ലോക്ക് പ്രസിഡന്റ് റിബേഷ് രാമകൃഷ്ണൻ ഭാരവാഹിത്വം ഒഴിഞ്ഞത് വലിയ ചർച്ചയായിരുന്നു. ചോദ്യം ചെയ്യലിന് തൊട്ടുമുമ്പാണ് അദ്ദേഹം സ്ഥാനമൊഴിഞ്ഞത്.
Story Summary
The special investigation team probing the ‘Kafir’ screenshot case is scrutinizing contradictory statements from key witnesses and suspects, including DYFI activist Ribesh Ramakrishnan. With the source of the screenshot remaining unclear, the investigation is now heavily reliant on upcoming forensic reports of seized mobile devices to trace the origin of the digital content.
