തിരുവനന്തപുരം: കശുവണ്ടി വികസന കോർപ്പറേഷൻ അഴിമതി കേസിൽ പ്രതിയായ കെ.എ. രതീഷ് ഖാദി ബോർഡ് സെക്രട്ടറി സ്ഥാനം രാജിവെച്ചു. അഴിമതിക്കേസുകളിൽ വിചാരണ നേരിടുന്ന വ്യക്തി തുടർച്ചയായി ഉന്നത പദവികളിൽ തുടരുന്നതിനെതിരെ ഹൈക്കോടതി രൂക്ഷവിമർശനം ഉന്നയിച്ചിരുന്നു.(KA Ratheesh Resigns As Khadi Board Secretary, Cashew Corruption Case)
ഇതിന് പിന്നാലെ മുഖ്യമന്ത്രി ഇദ്ദേഹത്തിൻ്റെ രാജി ആവശ്യപ്പെട്ടിരുന്നു. തുടർന്നാണ് പദവിയിൽ നിന്നും രാജിവച്ചത്. ഖാദി ബോർഡ് സെക്രട്ടറി സ്ഥാനത്ത് നിന്നുള്ള രാജിയോടെ, അദ്ദേഹത്തിന് റൂട്രോണിക്സ് മാനേജിംഗ് ഡയറക്ടർ സ്ഥാനവും നഷ്ടമായേക്കും.
കശുവണ്ടി വികസന കോർപ്പറേഷനിൽ നടന്ന കോടികളുടെ അഴിമതിയുമായി ബന്ധപ്പെട്ട കേസിൽ പ്രതിയായ രതീഷ് തുടർ ഭരണത്തിലും പ്രധാന തസ്തികകളിൽ തുടരുന്നതിനെതിരെ വലിയ പ്രതിഷേധങ്ങൾ ഉയർന്നിരുന്നു. കേസിൽ പ്രതിയായ ഒരാൾ സർക്കാർ സ്ഥാപനങ്ങളുടെ തലപ്പത്ത് തുടരുന്നത് ശരിയല്ലെന്ന നിരീക്ഷണമാണ് ഹൈക്കോടതി നടത്തിയത്.
Story Summary
KA Ratheesh, an accused in the Cashew Development Corporation corruption case, has resigned as the Secretary of the Khadi Board. Chief Minister stepped in following severe criticism from the High Court.
