തിരുവനന്തപുരം: ഗൾഫ് മേഖലയിലെ യുദ്ധസമാനമായ സാഹചര്യങ്ങളെത്തുടർന്ന് റദ്ദാക്കിയിരുന്ന ഇൻഡിഗോയുടെ ദോഹ സർവീസുകൾ മെയ് 1 മുതൽ വീണ്ടും തുടങ്ങുന്നു (Indigo Doha flights). കേരളത്തിലെ കൊച്ചി, കണ്ണൂർ ഉൾപ്പെടെ ഇന്ത്യയിലെ ഏഴ് പ്രധാന നഗരങ്ങളിൽ നിന്നുള്ള സർവീസുകളാണ് പുനരാരംഭിക്കുന്നത്.
കൊച്ചി, കണ്ണൂർ, ബംഗളൂരു, ചെന്നൈ, ഹൈദരാബാദ്, മുംബൈ തുടങ്ങിയ നഗരങ്ങളിൽ നിന്നായി ആഴ്ചയിൽ 60-ലധികം വിമാനങ്ങൾ ദോഹയിലേക്ക് സർവീസ് നടത്തും. നിലവിലെ സംഘർഷാവസ്ഥയിൽ നേരിയ അയവ് വന്ന സാഹചര്യത്തിലാണ് യാത്രക്കാരുടെ ബുദ്ധിമുട്ട് പരിഗണിച്ച് സർവീസുകൾ പുനഃസ്ഥാപിക്കാൻ എയർലൈൻ തീരുമാനിച്ചത്. വേനലവധി കഴിഞ്ഞ് പ്രവാസികൾ മടങ്ങുന്ന സമയമായതിനാൽ ഇൻഡിഗോയുടെ ഈ തീരുമാനം ആയിരക്കണക്കിന് യാത്രക്കാർക്ക് വലിയ ആശ്വാസമാകും.
Story Summary: Indigo will resume its flight services to Doha from seven Indian cities, including Kochi and Kannur, starting May 1. These services were temporarily suspended due to tensions in West Asia, and more than 60 weekly flights will now be operational.
