ഇടുക്കി: മുഖ്യമന്ത്രി സ്ഥാനത്തിനായി നേതാക്കൾ അവകാശവാദം ഉന്നയിക്കുന്നതിനിടെ ഗ്രൂപ്പ് തിരിഞ്ഞ് പ്രകടനം നടത്തുന്നവർക്കെതിരെ കർശന നടപടിയുമായി ഇടുക്കി ഡിസിസി. വി.ഡി. സതീശനായി മുദ്രാവാക്യം മുഴക്കി പ്രകടനം നടത്തിയ ഡിസിസി ജനറൽ സെക്രട്ടറി ഉൾപ്പെടെയുള്ള നാല് പേരെ പദവികളിൽ നിന്ന് നീക്കം ചെയ്തു.(Idukki DCC Takes Disciplinary Action Against Four Leaders For Pro Satheesan Demonstration)
സംഘടന വിരുദ്ധ പ്രവർത്തനങ്ങൾ നടത്തിയതിനാണ് നടപടിയെന്ന് ഡിസിസി അറിയിച്ചു. വി. ഇ താജുദ്ദീൻ, സുരേഷ് ബാബു, ജോയ് മൈലാടി, റോബിൻ മൈലാടി എന്നിവരാണ് നടപടി നേരിട്ടത്. മുഖ്യമന്ത്രിയെ തീരുമാനിക്കുന്ന പ്രക്രിയ ഹൈക്കമാൻഡ് തലത്തിൽ പുരോഗമിക്കവെ, പരസ്യ പ്രതികരണങ്ങളോ പ്രകടനങ്ങളോ പാടില്ലെന്ന കർശന നിർദ്ദേശം നിലവിലുണ്ടായിരുന്നു.
ഇത് ലംഘിച്ചുകൊണ്ടാണ് തൊടുപുഴയിൽ പ്രകടനം നടന്നത്. ഇതേത്തുടർന്നാണ് അച്ചടക്ക നടപടിയുമായി ജില്ലാ നേതൃത്വം രംഗത്തെത്തിയത്. സംസ്ഥാനത്തെ വിവിധയിടങ്ങളിൽ നേതാക്കൾക്കായി ഫ്ലക്സ് യുദ്ധവും പ്രകടനങ്ങളും നടക്കുന്നുണ്ടെങ്കിലും ഇടുക്കിയിലാണ് ആദ്യമായി ഔദ്യോഗിക നടപടിയുണ്ടാകുന്നത്.
Story Summary
Idukki DCC has taken disciplinary action against four leaders for organizing a demonstration in support of VD Satheesan, violating High Command instructions. DCC President CP Mathew announced their removal from respective party posts for anti-organizational activities.
