തിരുവനന്തപുരം: തിരുവല്ലയിലെ സ്പായിൽ നടന്ന ക്രൂരമായ ബലാത്സംഗ കേസിന്റെ പശ്ചാത്തലത്തിൽ പോലീസിനുള്ളിലെ വീഴ്ചകളെയും ‘അവിശുദ്ധ ബന്ധങ്ങളെയും’ രൂക്ഷമായി വിമർശിച്ച് ഉമേഷ് വള്ളിക്കുന്ന്. ഇതേക്കുറിച്ച് ചൂണ്ടിക്കാണിച്ചതിനാണ് തന്നെ സസ്പെൻഡ് ചെയ്തതെന്നും അദ്ദേഹം ഫേസ്ബുക്ക് പോസ്റ്റിൽ കുറിച്ചു.(I was suspended for telling you all this, Umesh Vallikkunnu slams police in Thiruvalla spa rape case)
ഒരു കീഴുദ്യോഗസ്ഥനെ പിരിച്ചുവിടാൻ അധികാരം ഉണ്ടായാൽ മതി, ഏതു മണ്ടന്മാർക്കും അതിന് പറ്റും. എന്നാൽ സ്വന്തം പണി നേരെ ചൊവ്വേ എടുക്കാൻ വിവരവും ബുദ്ധിയും വേണമെന്ന് അദ്ദേഹം പരിഹസിച്ചു. പ്രതികളെ സംരക്ഷിക്കുന്ന തരത്തിലുള്ള പോലീസ് നിലപാടുകളെ അദ്ദേഹം പരോക്ഷമായി വിമർശിച്ചു.
പോലീസിന് മിനിമം അന്തസ്സെങ്കിലും വേണമെന്നും അദ്ദേഹം പോസ്റ്റിൽ കുറിച്ചു. ഉന്നത ഉദ്യോഗസ്ഥരെ പരോക്ഷമായി പരാമർശിച്ചുകൊണ്ടാണ് അദ്ദേഹം തന്റെ പ്രതിഷേധം രേഖപ്പെടുത്തിയത്.
