കൊച്ചി: രാജ്യമെങ്ങും വലിയ ചർച്ചകൾക്ക് വഴിവെച്ച ‘ദ കേരള സ്റ്റോറി’യുടെ രണ്ടാം ഭാഗത്തിന്റെ റിലീസ് കേരള ഹൈക്കോടതി തടഞ്ഞു. നാളെ ചിത്രം തീയറ്ററുകളിൽ എത്താനിരിക്കെയാണ് കോടതിയുടെ നിർണ്ണായക ഇടപെടൽ. സിനിമയുടെ റിലീസ് സ്റ്റേ ചെയ്തുകൊണ്ട് കോടതി ഉത്തരവിട്ടു.(High Court stays release of ‘The Kerala Story 2’ for two weeks)
15 ദിവസത്തേക്കാണ് സ്റ്റേ. ചിത്രം സമൂഹത്തിൽ മതസ്പർദ്ധ വളർത്തുമെന്നും കേരളത്തിന്റെ പ്രതിച്ഛായ മോശമാക്കുമെന്നും ചൂണ്ടിക്കാട്ടി സമർപ്പിക്കപ്പെട്ട ഹർജിയിലാണ് കോടതി നടപടി. നിർമ്മാതാക്കൾക്ക് വലിയ സാമ്പത്തിക-നിയമ പ്രത്യാഘാതങ്ങൾ ഉണ്ടാക്കുന്നതാണ് ഈ സ്റ്റേ ഉത്തരവ്.
ജസ്റ്റിസ് ബെച്ചു കുര്യൻ തോമസ് സെൻസർ ബോർഡിനോട് ഈ വിഷയം പുനഃപരിശോധിക്കണമെന്ന് ആവശ്യപ്പെട്ടു. ഹർജിക്കാർ സമർപ്പിച്ച ഇടക്കാല അപേക്ഷകളിലാണ് ഈ പുരോഗതി.
