കൊല്ലം: നെടുവത്തൂർ ഇ.വി.എച്ച്.എസ് സ്കൂൾ പ്രധാനാധ്യാപിക സിന്ധുവിനെ ചുരിദാർ ധരിച്ചെത്തിയതിന്റെ പേരിൽ സ്കൂൾ കവാടത്തിൽ തടഞ്ഞ സംഭവത്തിൽ സംസ്ഥാന വനിതാ കമ്മീഷൻ സ്വമേധയാ കേസെടുത്തു. സംഭവത്തിൽ അടിയന്തരമായി അന്വേഷണം നടത്തി റിപ്പോർട്ട് സമർപ്പിക്കാൻ കൊട്ടാരക്കര ജില്ലാ വിദ്യാഭ്യാസ ഓഫീസറോട് ആവശ്യപ്പെട്ടു.(Headmistress was stopped at gate for wearing churidar, Women’s Commission registers case)
അക്കാദമിക കാര്യങ്ങളിലും അധ്യാപകരുടെ വസ്ത്രധാരണത്തിലും ചട്ടവിരുദ്ധമായി ഇടപെട്ടതിന് സ്കൂൾ മാനേജരോട് വിദ്യാഭ്യാസ വകുപ്പ് വിശദീകരണം തേടിയിട്ടുണ്ട്. മൂന്ന് ദിവസത്തിനകം മറുപടി നൽകണമെന്ന് ജില്ലാ വിദ്യാഭ്യാസ ഡെപ്യൂട്ടി ഡയറക്ടർ മാനേജർക്ക് നിർദ്ദേശം നൽകി.
പ്രധാനാധ്യാപികയുടെ പരാതിയുടെയും മൊഴിയുടെയും അടിസ്ഥാനത്തിൽ ഡി.ഇ.ഒ സമർപ്പിച്ച റിപ്പോർട്ടിന് പിന്നാലെയാണ് ഡി.ഡി.ഇയുടെ നടപടി. സുരക്ഷാ ജീവനക്കാരൻ ശശാങ്കനെ സ്കൂൾ മാനേജ്മെന്റ് ജോലിയിൽ നിന്നും പുറത്താക്കി.
