ഇടുക്കി: ജില്ലയിലെ കാട്ടാനശല്യം രൂക്ഷമായ ചിന്നക്കനാലിൽ വീടിന് നേരെ കാട്ടാനയുടെ ആക്രമണം. സിങ്കുകണ്ടം സ്വദേശി മുരുകന്റെ വീടാണ് ആന ഭാഗികമായി തകർത്തത്. ‘ചക്കക്കൊമ്പൻ’ ആണ് ഈ അക്രമത്തിന് പിന്നിലെന്ന് പ്രദേശവാസികൾ ആരോപിക്കുന്നു.(Chinnakanal Wild Elephant Attack House Partially Destroyed In Idukki)
ആക്രമണം നടക്കുന്ന സമയത്ത് വീട്ടിനുള്ളിൽ ആരും ഇല്ലാതിരുന്നതിനാൽ വലിയൊരു ദുരന്തമാണ് ഒഴിവായത്. ആനയുടെ ആക്രമണത്തിൽ വീടിന്റെ മുൻഭാഗത്തെ ചുവരുകളും കതകുകളും തകർന്നിട്ടുണ്ട്. സിങ്കുകണ്ടം മേഖലയിൽ കാട്ടാനശല്യം അതിരൂക്ഷമായതിനെ തുടർന്ന് വീടുടമയായ മുരുകനും കുടുംബവും നേരത്തെ തന്നെ ഇവിടെ നിന്നും സൂര്യനെല്ലിയിലേക്ക് താമസം മാറിയിരുന്നു. നിലവിൽ ഈ വീട് കാർഷിക ഉപകരണങ്ങൾ സൂക്ഷിക്കാനാണ് ഉപയോഗിക്കുന്നത്.
Story Summary
A wild elephant, suspected to be ‘Chakkakomban’, partially destroyed a house belonging to a local resident named Murugan in Chinnakanal, Idukki. No casualties were reported as the family had already shifted to Suryanelli due to rampant wildlife attacks in the region, which recently saw the tragic death of a woman nearby.
