ന്യൂഡൽഹി: വരുന്ന ഉത്തർപ്രദേശ് നിയമസഭാ തിരഞ്ഞെടുപ്പിൽ ബി.ജെ.പിയെ അധികാരത്തിൽ നിന്ന് പുറത്താക്കാൻ അഖിലേഷ് യാദവിന്റെ സമാജ്വാദി പാർട്ടിയുമായും ‘ഇന്ത്യ’ മുന്നണിയുമായും സഖ്യത്തിന് തയ്യാറാണെന്ന് എ.ഐ.എം.ഐ.എം അധ്യക്ഷൻ അസദുദ്ദീൻ ഒവൈസി. മൊറാദാബാദിൽ നടന്ന പൊതുറാലിയിൽ സംസാരിക്കവെയാണ് ഹൈദരാബാദ് എം.പി തങ്ങളുടെ നിലപാട് വ്യക്തമാക്കി കൈകോർക്കാൻ സന്നദ്ധത അറിയിച്ചത്.(Asaduddin Owaisi Expresses Readiness To Alliance With Samajwadi Party For UP Elections)
ബി.ജെ.പിയുടെ ‘ബി-ടീം’ എന്ന ആരോപണങ്ങൾ തള്ളിക്കളഞ്ഞ ഉവൈസി, വോട്ടുകൾ ഭിന്നിച്ചു പോകുന്നത് തടയാൻ സമാജ്വാദി പാർട്ടി സഖ്യത്തിന് മുന്നോട്ട് വരണമെന്ന് ആവശ്യപ്പെട്ടു. “ബി.ജെ.പി വീണ്ടും യു.പിയിൽ അധികാരത്തിൽ വരാൻ ഞങ്ങൾ ആഗ്രഹിക്കുന്നില്ല. കൈകോർക്കാനും സഖ്യമുണ്ടാക്കാനും ഞാൻ തയ്യാറാണ്. സംസാരിക്കാനുള്ള സമയം ഇതാണ്, തിരഞ്ഞെടുപ്പ് കഴിഞ്ഞ ശേഷം പരാതിപ്പെട്ടിട്ട് കാര്യമില്ല,” ഉവൈസി പറഞ്ഞു.
മുസ്ലിം വോട്ട് ബാങ്കിൽ നിർണ്ണായക സ്വാധീനമുള്ള എ.ഐ.എം.ഐ.എമ്മിന്റെ ഈ ഓഫർ സമാജ്വാദി പാർട്ടിക്ക് നിർണ്ണായകവും എന്നാൽ ജാഗ്രതയോടെ തീരുമാനമെടുക്കേണ്ടതുമായ ഒന്നാണ്. തങ്ങളുടെ പോരാട്ടം ഒരു മതത്തിനെതിരെയുമല്ലെന്നും നീതിക്കും സമത്വത്തിനും വേണ്ടിയുള്ളതാണെന്നും ഉവൈസി കൂട്ടിച്ചേർത്തു.
Story Summary
AIMIM Chief Asaduddin Owaisi has expressed readiness to form an alliance with Akhilesh Yadav’s Samajwadi Party and the INDIA bloc to defeat the ruling BJP in the upcoming Uttar Pradesh Assembly elections. Speaking at a rally in Moradabad, Owaisi urged opposition parties to unite to prevent the division of votes, emphasizing that his goal is to stop the BJP from securing another term.
